នារសៀលថ្ងៃទី២៨ ខែធ្នូ ឆ្នាំ២០២៣ គណៈប្រតិភូអគ្គលេខាធិការដ្ឋានព្រឹទ្ធសភា ដឹកនាំដោយឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញគោរពវិញ្ញាណក្ខន្ធសពឧបាសិកា នូ ស៊ីថុន ម្តាយបង្កើតរបស់លោក ណេង សក្កដា អនុប្រធាននាយកដ្ឋានរដ្ឋបាល ដែលបានទទួលមរណភាព កាលពីថ្ងៃពុធ ទី២៧ ខែធ្នូ ឆ្នាំ២០២៣ វេលាម៉ោង ២៣:៣៩ នាទី (យប់) ដោយជរាពាធ ក្នុងជន្មាយុ៨១ឆ្នាំ។
ក្នុងវេលាដ៏សែនក្រៀមក្រំនេះ ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានចូលរួមរំលែកទុក្ខជាមួយក្រុមគ្រួសារចំពោះមរណភាពឧបាសិកា នូ ស៊ីថុន ដែលជាការបាត់បង់ម្តាយ បងស្រី និងជីដូនជាទីគោរពស្រលាញ់ប្រកបដោយសង្គហធម៌ និងព្រហ្មវិហាធម៌ដ៏ល្អប្រពៃ និងឧទ្ទិសបួងសួង សូមឲ្យវិញ្ញាណក្ខន្ធសពឧបាសិកាបានទៅកាន់សុគតិភពកុំបីឃ្លៀងឃ្លាតឡើយ។
សពឧបាសិកា នូ ស៊ីថុន ត្រូវបានតម្កល់ទុកប្រារព្ធពិធីបុណ្យទក្ខិណានុប្បទាន តាមប្រពៃណីព្រះពុទ្ធសាសនា ស្ថិតនៅបុរីវិមានភ្នំពេញ គម្រោងទី៨ ផ្ទះលេខ១៧ក ផ្លូវលេខ៣៦៨ សង្កាត់ច្រាំងចំរះ១ ខណ្ឌឫស្សីកែវ រាជធានីភ្នំពេញ។
ប្រភព៖ នាយកដ្ឋានព័ត៌មាន
