នាព្រឹកថ្ងៃទី១៩ ខែមករា ឆ្នាំ២០២៤ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញដឹកនាំកិច្ចប្រជុំគណៈកម្មការកែទម្រង់ ការគ្រប់គ្រងហិរញ្ញវត្ថុសាធារណៈ នៃអគ្គលេខាធិការដ្ឋានព្រឹទ្ធសភា (អ.ពស) ដើម្បីពិនិត្យ និងពិភាក្សាលើផែនការសកម្មភាពលម្អិត (MAP-4) លទ្ធផលគន្លឹះក្នុងឆ្នាំ (KPIs) ឆ្នាំ២០២៤ ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ របស់ព្រឹទ្ធសភា នៅសាលប្រជុំពិសេសក្រោម វិមានព្រឹទ្ធសភា។
ក្នុងកិច្ចប្រជុំនេះមានការអញ្ជើញពីឯកឧត្តមជាអគ្គលេខាធិការរង ឯកឧត្តម លោកជំទាវ សមាជិក សមាជិកា នៃគណៈកម្មការកែទម្រង់ការគ្រប់គ្រងហិរញ្ញវត្ថុសាធារណៈ ប្រធានអង្គភាពលទ្ធកម្ម ប្រធានអង្គភាពសវនកម្មផ្ទៃក្នុង និងប្រធាននាយកដ្ឋានគ្រប់គ្រងអគារ សារពើភណ្ឌ និងសំណង់។
ប្រភព៖ នាយកដ្ឋានព័ត៌មាន
