នៅព្រឹកថ្ងៃពុធ ទី២៨ ខែកុម្ភៈ ឆ្នាំ២០២៤ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២ វត្ត គឺវត្តអដ្ឋិការាម ហៅវត្តក្បាលខ្មោច និងវត្តគោកប៉ាទ្រី ស្ថិតនៅក្រុងសៀមរាប ខេត្តសៀមរាប។ ដើម្បីឧទ្ទិសកុសលផលបុណ្យ ជូនដល់បុព្វការីជន មានជីដូនជីតា មាតាបិតា បងប្អូន ញាតិកាទាំងអស់ ពិសេសដល់វីរជន វីរនារីអ្នកស្នេហាជាតិ ការពារទឹកដី នៃព្រះរាជាណាចក្រកម្ពុជា ឱ្យបានគង់វង់រហូតរៀងមក សូមលោកទាំងអស់បានរួចរំដោះទុក្ខទោស និងបានទៅកើតនៅឋានសុគតិភព កុំបីអាក់ខានឡើយ។
