ព្រឹទ្ធសភារៀបចំវេទិកាថ្នាក់ខេត្តដើម្បីពង្រឹងសមត្ថភាពសមាជិកក្រុមប្រឹក្សាឃុំ សង្កាត់នៅខេត្តមណ្ឌលគិរីនាព្រឹកថ្ងៃទី១៥ ខែមករា ឆ្នាំ២០១៩ ព្រឹទ្ធសភានៃព្រះរាជាណាចក្រកម្ពុជា បានរៀបចំវេទិកាថ្នាក់ខេត្តស្តីពី «ការពង្រឹងសមត្ថភាពសមាជិកក្រុមប្រឹក្សាឃុំ សង្កាត់ ក្នុងការរៀបចំថវិកា និងការផ្តល់សេវាសាធារណៈជូនប្រជាពលរដ្ឋ ប្រកបដោយប្រសិទ្ធភាព» ក្រោមអធិបតីភាពឯកឧត្តម ទេព ងន អនុប្រធានទី២ព្រឹទ្ធសភា នៅសាលភោជនីយដ្ឋាន ពេជ្រដា ខេត្តមណ្ឌលគិរី ដោយមានការអញ្ជើញចូលរួមពីសមាជិក សមាជិកាព្រឹទ្ធសភា រដ្ឋសភា តំណាងក្រសួង ស្ថាប័នពាក់ព័ន្ធ និងសមាជិកក្រុមប្រឹក្សាឃុំ សង្កាត់ សរុបចំនួន ២៣៣នាក់។
វេទិកានេះ សហការរៀបចំឡើងដោយ ក្រុមសមាជិកព្រឹទ្ធសភាប្រចាំភូមិភាគទី៨ រដ្ឋបាលខេត្តមណ្ឌលគិរី និងវិទ្យាស្ថានសភាកម្ពុជា (PIC)