នារសៀលថ្ងៃទី១៥ ខែសីហា ឆ្នាំ២០២៤
ឯកឧត្តម លី សារី សមាជិកគណៈកម្មការទី១នៃព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ អញ្ជើញចុះជួបសំណេះសំណាលជាមួយប្រជាពលរដ្ឋស្ថិតក្នុងភូមិម្លិចគល់ ឃុំស្ទឹងកែវ ស្រុកទឹកឈូ ខេត្តកំពត ដោយមានការចូលរួមពី គណៈអុីមាំក្រុង ស្រុក និងអាជ្ញាធរដែនដី ស្តីពីតម្លៃនៃសន្តិភាព និងការអភិវឌ្ឍ ដោយសំណូមពរឱ្យប្រជាពលរដ្ឋទាំងអស់ចូលរួមការពារ និងថែរក្សានូវសមិទ្ធផលទាំងនេះឱ្យបានគង់វង្សកុំចាញ់បោកការញុះញង់របស់ជនជ្រុលនិយមមួយចំនួន ដែលមានចេតនាចង់បំផ្លាញសេចក្តីសុខ និងការអភិវឌ្ឍរបស់ប្រជាជន ហើយត្រូវស្តាប់តាមការអប់រំរបស់អាជ្ញាធរដែនដីភូមិ ឃុំ ឱ្យបានល្អជាប់ជានិច្ច។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
