នាល្ងាចថ្ងៃអង្គារ ទី២៩ ខែកក្កដា ឆ្នាំ២០២៥ ឯកឧត្តម អ៊ុន វណ្ណា សមាជិកក្រុមសមាជិកព្រឹទ្ធសភាប្រចាំភូមិភាគទី៥ និងតំណាងឱ្យក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញគោរពវិញ្ញាណក្ខន្ធសពលោក ម៉ៅ ស៊ា នាយចំណង់ នៃអង្គភាពកងពលតូចអន្តរាគមន៍លេខ៨ វរៈសេនាតូចលេខ៣៨២ ចំណុះកងអនុសេនាធំគាំទ្រ ដែលបានពលីជីវិតក្នុងបុព្វហេតុប្រយុទ្ធលើសមរភូមិជាមួយសៀមឈ្លានពាន ដើម្បីការពារបូរណភាពទឹកដីកម្ពុជា កាលពីថ្ងៃទី២៥ ខែកក្កដា ឆ្នាំ២០២៥ វេលាម៉ោង៣:០០នាទីរសៀល ក្នុងជន្មាយុ៤១ឆ្នាំ។
សពរបស់លោក ម៉ៅ ស៊ា ត្រូវបានតម្កល់ធ្វើបុណ្យទក្ខិណានុប្បទាន តាមប្រពៃណីព្រះពុទ្ធសាសនា នៅផ្ទះលោកស្រី ង៉ែត ប៊ុន្នី ដែលត្រូវជាភរិយា នៅភូមិព្រៃជួរ ឃុំពពេល ស្រុកត្រាំកក់ ខេត្តតាកែវ។
ក្នុងវេលា នៃការរំលែកមរណទុក្ខដ៏ក្រៀមក្រំជាមួយគ្រួសារសព ក្រុមសមាជិកព្រឹទ្ធសភាប្រចាំភូមិភាគទី៥ បានចូលបច្ច័យបុណ្យសពចំនួន ១លានរៀលផងដែរ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
