លោកជំទាវ ទី បូរ៉ាស៊ី បានអនុញ្ញាតឱ្យកញ្ញា ដេង គន្ធា ស្រ្តីខ្មែរដំបូងសិក្សាជំនាញវិស្វកម្ម វិទ្យាសាស្រ្តសម្ភារ:នៅអាមេរិក ចូលជួបសម្តែងការគួរសម
កាលពីព្រឹកថ្ងៃពុធ ទី១៥ ខែធ្នូ ឆ្នាំ២០២១ វេលាម៉ោង ៩ ព្រឹក លោកជំទាវ ទី បូរ៉ាស៊ី បានអនុញ្ញាតឱ្យកញ្ញា ដេង គន្ធា ស្រ្តីខ្មែរដំបូងសិក្សាជំនាញវិស្វកម្ម វិទ្យាសាស្រ្តសម្ភារ:នៅអាមេរិក ចូលជួបសម្តែងការគួរសម ។ ស្ថិតក្នុងឱកាសនោះលោកជំទាវបានជម្រាបអំពីតួនាទី ភារកិច្ចរបស់គណ:កម្មការជំនាញទាំង១០នៃព្រឹទ្ធសភា ។
កញ្ញាបានជម្រាបជូនលោកជំទាវជ្រាបផងដែរអំពីការសិក្សាលើជំនាញពីរបៀបមើលលក្ខណ: សម្ភារ: គឺជាកត្តាចំបងនៃការស្រាវជ្រាវ ដើម្បីពង្រឹងគុណភាពសម្ភារ: និងរកវិធីដើម្បីកាត់បន្ថយតម្លៃសម្ភារ: និងក៏អាចឈានទៅផលិតដែកដោយខ្លួនឯងនៅក្នុងស្រុកបានផងដែរ ។លោកជំទាវសូមកោតសសើរ និងអបអរសាទរដែលកូនខ្មែរអាចធ្វើបាន ហើយជាស្ត្រីទៀតដែលសិក្សាលើមុខជំនាញដែលប្រទេសយើងមិនទាន់មាន ។ លោកជំទាវបានជូនពរសូមឱ្យទទួលបានជោគជ័យដើម្បីបំរើប្រទេសជាតិ ព្រោះនេះជាធនធានមនុស្សដែលប្រទេសជាតិកំពុងត្រូវការ។
