លោកជំទាវ ឃួន ឃុនឌី បានអញ្ជើញចុះសួរសុខទុក្ខ និងនាំយកអំណោយចែកជូនបងប្អូនប្រជាពលរដ្ឋក្រីក្រចំនួន5គ្រួសារ
នាព្រឹកថ្ងៃទី29 ខែមករា ឆ្នាំ 2022 លោកជំទាវ ឃួន ឃុនឌី សមាជិកាគណៈកម្មការទី5 ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី8 បានអញ្ជើញចុះសួរសុខទុក្ខ និងនាំយកអំណោយចែកជូនបងប្អូនប្រជាពលរដ្ឋក្រីក្រចំនួន5គ្រួសារ ដោយក្នុងមួយគ្រួសារៗទទួលបានអង្ករចំនួន25គីឡូក្រាម មីចំនួន1កេស ត្រីខចំនួនយួរ សារុងចំនួន1 ក្រមាចំនួន1 និងថវិកាចំនួន5ម៉ឺនរៀល។ ដោយឡែកគ្រួសារស្ត្រីរងគ្រោះដែលមានសតិមិនសូវល្អត្រូវបានគេចាប់រំលោភឱ្យមានផ្ទៃពោះរយៈពេល6ខែទើបដឹងទទួលបាននូវអង្ករចំនួន50គីឡូក្រាម មីចំនួន1កេស ត្រីខចំនួន2យួរ ភួយចំនួន1 ក្រមាចំនួន1 សារុងចំនួន1 និងថវិកាចំនួន20ម៉ឺនរៀល ស្ថិតនៅភូមិព្រៃទប់ ឃុំជ័យ ស្រុកកំពង់ស្វាយ ខេត្តកំពង់ធំ។
