លោកជំទាវ មាន សំអាន អញ្ជើញដឹកនាំគណៈប្រតិភូព្រឹទ្ធសភា គោរពវិញ្ញណក្ខន្ធសព ឯកឧត្តម ឈា ថាំង
=======
នារសៀលថ្ងៃទី០២ ខែកុម្ភៈ ឆ្នាំ២០២២ គណៈប្រតិភូព្រឹទ្ធសភានៃព្រះរាជាណាចក្រកម្ពុជា ដឹកនាំដោយលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា បានអញ្ជើញគោរពវិញ្ញាណក្ខន្ធសពឯកឧត្តម ឈា ថាំង អតីតរដ្ឋមន្រ្តីក្រសួងសុខាភិបាល អតីតអ្នកតំណាងរាស្រ្តមណ្ឌលខេត្តក្រចេះ អតីតសមាជិកព្រឹទ្ធសភា នីតិកាលទី១ និងនីតិកាលទី២ព្រឹទ្ធសភា ដែលបានទទួលមរណៈភាពកាលពីថ្ងៃទី៣១ ខែមករា ឆ្នាំ២០២២ វេលាម៉ោង១៥:២៥នាទីរសៀល ក្នុងជន្មាយុ៨៧ឆ្នាំ ដោយរោគាពាធ ។
ពិធីបុណ្យសពឯកឧត្តម ឈា ថាំង ត្រូវបានប្រារព្ធធ្វើបុណ្យតាមប្រពៃណី និងព្រះពុទ្ធសាសនា នៅផ្ទះលេខ២៩៧ ស្ថិតនៅក្នុងភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។