ឯកឧត្តមកិត្តិសេដ្ឋាបណ្ឌិត ជា ជេដ្ឋ បានអញ្ជើញជាអធិបតីក្នុងកិច្ចប្រជុំស្តីពី ការតាមដានការងារក្រោយវេទិការបស់ក្រុមសមាជិកព្រឹទ្ធសភាប្រចាំភូមិភាគទី១
នាព្រឹកថ្ងៃទី២៩ ខែឧសភា ឆ្នាំ២០២៣ វេលាម៉ោង ៨.០០នាទី នៅសាលប្រជុំគណៈកម្មការទី២ វិមានព្រឹទ្ធសភា ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមសមាជិកព្រឹទ្ធសភាប្រចាំភូមិភាគទី១(រាជធានីភ្នំពេញ) និងជាប្រធានគណៈកម្មការទី២ ព្រឹទ្ធសភា បានអញ្ជើញជាអធិបតីក្នុងកិច្ចប្រជុំជាមួយការិយាល័យអមក្រុមសមាជិកព្រឹទ្ធសភាប្រចាំភូមិភាគទី១ និងលេខាធិការដ្ឋានអមគណៈកម្មការទី២ ព្រឹទ្ធសភា ស្តីពី ការតាមដានការងារក្រោយវេទិការបស់ក្រុមសមាជិកព្រឹទ្ធសភាប្រចាំភូមិភាគទី១(រាជធានីភ្នំពេញ) ដែលប្រព្រឹត្តទៅកាលពីថ្ងៃទី៣១ ខែមករា និងថ្ងៃទី០២ ខែមីនា ឆ្នាំ២០២៣ កន្លងទៅ ដោយបានចុះទៅបណ្តាសង្កាត់មួយចំនួនរួមមាន៖ សង្កាត់ពញាពន់ សង្កាត់ព្រែកឯង សង្កាត់អូឬស្សីទី២ និងសង្កាត់ទំនប់ទឹក ។
