ព្រឹកថ្ងៃព្រហស្បតិ៏ ៨កើត ខែស្រាពណ៌ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៤ ខែសីហា ឆ្នាំ២០២៣ លោកជំទាវ ចឹក ហេង សមាជិកាព្រឹទ្ធសភា ប្រចាំភូមិភាគទី៨ បានអញ្ជើញចុះជួបសំណេះសំណាល និងពិភាក្សាការងារជាមួយក្រុមប្រឹក្សាសង្កាត់ ប្រធានមណ្ឌលសុខភាព មេបុស្តិ៍នៅសង្កាត់ប៉ាលហាល ក្រុងព្រះវិហារ ខេត្តព្រះវិហារ ។ដែលមាន លោក រស់ សារី អភិបាលរង ក្រុងបានចូលរួមដំណើរ ។ បន្ទាប់ពីបានស្តាប់សេចក្តីរាយការណ៍របស់ លោកចៅសង្កាត់រួចមក លោកជំទាវ បានសម្តែងការកោតសរសើរ និងថ្លែងអំណរគុណ ចំពោះអាជ្ញាធរមូលដ្ឋាន ដែលបានរួបរួមកម្លាំងគ្នាខិតខំបំពេញការងារដោយយកចិត្តទុកដាក់ ក្នុងស្មារតីទទួលខុសត្រូវខ្ពស់ ដោយទទួលបានការគ្រាំទ្រយ៉ាងធំធេង ក្នុងដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា នាពេលកន្លងមក។ នៅពេលនោះលោកជំទាវបានសំណូមពរ ចៅសង្កាត់ ក្រុមប្រឹក្សាសង្កាត់ បន្តផ្តល់សេវាសាធារណៈជូនប្រជាពលរដ្ឋបានទាន់ពេលវេលា រក្សាសន្តិសុខ សណ្តាប់ធ្នាប់សង្គម ចូលរួមអប់រំផ្សព្វផ្សាយនៅតាមភូមិ ពីការថែរក្សាសុខភាព អនាម័យ លំនៅដ្ឋានស្អាត បំបាត់ជំរកមូសខ្លា ។ ផ្សព្វផ្សាយ និងទប់ស្កាត់អំពើហឹង្សាក្នុងគ្រួសារ ដោះស្រាយ ទំនាស់ក្រៅប្រព័ន្ធតុលាការនិងពង្រឹងការសាមគ្គី ដើម្បីភាពរីកចំរើន ក្នុងមូលដ្ឋាន។ក្នុងឱកាសនោះលោកជំទាវបាននាំយកតេស្តកូវីដ-19 របស់ សម្តេចវិបុលសេនាភក្តី សាយ ឈុំ បហរធានព្រឹទ្ធសភា ចំនួន ៦ប្រអប់ និង ប្រអប់សង្គ្រោះបឋមចំនួន ១ប្រអប់ និង ឧបត្ថម្ភថវិកាមួយចំនួនដល់អ្នកចូលរួមចំនួន១៦ នាក់ផងដែរ។

លោកជំទាវ ចឹក ហេង