នារសៀលថ្ងៃទី២៧ ខែកញ្ញា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញចុះជួបសំណេះសំណាល និងសួរសុខទុក្ខក្រុមប្រឹក្សាឃុំព្រៃគុយ ស្រុកំពង់ស្វាយ ខេត្តកំពង់ធំ។ ក្រោយពីបានស្ដាប់របាយការណ៍លោកប្រធានក្រុមប្រឹក្សាឃុំព្រៃគុយរួចមក លោកជំទាវបានថ្លែងអំណរអរគុណចំពោះការខិតខំប្រឹងប្រែងបម្រើប្រជាពលរដ្ឋ ការផ្ដល់សេវាសាធារណៈបានយ៉ាងល្អ និងលើកទឹកចិត្តគាំទ្របន្តដោះស្រាយបញ្ហាដែលនៅសេសសល់ តាមសំណូមពររបស់ប្រជាពលរដ្ឋ ពិសេសយកចិត្តទុកដាក់ចំពោះប្រជាពលរដ្ឋរងគ្រោះដោយទឹកជំនន់។ ក្នុងនោះលោកជំទាវបានជំរុញការអនុវត្តគោលនយោបាយភូមិ ឃុំមានសុវត្ថិភាព ដើម្បីប្រជាពលរដ្ឋរស់នៅដោយសេចក្ដីសុខ។ក្នុងពិធីសំណេះសំណាលនោះ លោកជំទាវបានជូនក្រមាចំនួន៥០ក្រមា និងថវិកាមួយចំនួនដល់លោកប្រធានក្រុមប្រឹក្សាឃុំ ស្ថិតនៅសាលាឃុំព្រៃគុយ ស្រុកកំពង់ស្វាយ ខេត្តកំពង់ធំ។
