លោកជំទាវ មុំ សណ្តាប់ អញ្ជើញចូលរួមពិធីសំណេះសំណាល អបអរខួបលើកទី៧៥ ទិវាកុមារអន្តរជាតិ ១មិថុនា ឆ្នាំ២០២៤ និងទិវាកុមារកម្ពុជា ឆ្នាំ២០២៤
នាព្រឹកថ្ងៃទី០៦ ខែឧសភា ឆ្នាំ២០២៤ លោកជំទាវ មុំ សណ្តាប់ សមាជិកាគណៈកម្មការទី៦ព្រឹទ្ធសភា បានអញ្ជើញចូលរួមក្នុងពិធីសំណេះសំណាល អបអរខួបលើកទី៧៥ ទិវាកុមារអន្តរជាតិ ១មិថុនា ឆ្នាំ២០២៤ និងទិវាកុមារកម្ពុជា ឆ្នាំ២០២៤ រៀបចំដោយ គ ក ស ក រាជធានីភ្នំពេញ (សមាសភាពអញ្ជើញចូលរួម : លោកជំទាវ កែវ រត្ន័ ប្រធាន គ ក ស ក លោកស្រី ប្រធានអង្គការលើកស្ទួយប្រជាពលរដ្ឋ លោកស្រីជាសមាជិក គ ក ស ក រាជធានី និងកុមារចំនួន៣០០នាក់ មកពីសហគមន៍ចំនួន៣គឺ សង្កាត់ស្ទឹងមានជយ័ទី១ សង្កាត់ស្ទឹងមានជយ័ទី២ និងសង្កាត់ស្ទឹងមានជយ័ទី៣) នៅអង្គការលើកស្ទួយប្រជាពលរដ្ឋ (បានចែកសម្ភារជូនដល់កុមារ ដោយក្នុងម្នាក់ៗទទួលបាន ប៊ិច២ដើម សៀវភៅ៥ក្បាល ខ្មៅដៃ២ដើម កូល័រ១ប្រអប់ ដបទឹក១ និងថវិកា ៥.០០០៛)។
