![](https://senate.gov.kh/wp-content/uploads/2024/05/photo_2024-05-21_14-27-06.jpg)
នាព្រឹកថ្ងៃទី២១ ខែឧសភា ឆ្នាំ២០២៤ ឯកឧត្តម ទេព យុទ្ធី លេខាធិការគណៈកម្មការទី៨ ព្រឹទ្ធសភា និងឯកឧត្តម ហេង ហាលីម សមាជិកគណៈកម្មការ បានអញ្ជើញចូលរួមក្នុងសន្និសីទថ្នាក់ជាតិស្តីអំពី “គោលនយោបាយគ្រឿងស្រវឹងនៅកម្ពុជា” នៅភោជនីដ្ឋានទន្លេបាសាក់ ២ (ជិតស្ពានអាកាសក្បាលថ្នល់) រាជធានីភ្នំពេញ។
សន្និសីទនេះប្រព្រឹត្តទៅមានរយៈពេល ១ថ្ងៃ ដោយមានសមាសភាពចូលរួមពី សមាជិកព្រឹទ្ធសភា រដ្ឋសភា ថ្នាក់ដឹកនាំ និងមន្ត្រីរាជការក្រសួងពាក់ព័ន្ធ អង្គការជាតិ-អន្តរជាតិ សិស្ស និស្សិត សហគមន៍ អ្នកស្រាវជ្រាវ និងវិស័យឯកជន មានចំនួនជាង ១០០នាក់ ក្នុងគោលបំណងដើម្បី ៖
១-បង្ហាញពីគ្រោះថ្នាក់ដែលជាប់ពាក់ព័ន្ធនឹងគ្រឿងស្រវឹងនៅក្នុងសហគមន៍ និងផលប៉ះពាល់ផ្សេងៗ។
២-ជំរុញការអនុម័តច្បាប់ស្តីពី ការត្រួតពិនិត្យផលិតផលគ្រឿងស្រវឹង និងបញ្ចៀសការជ្រែតជ្រែកពីឧស្សាហកម្មគ្រឿងស្រវឹងមកលើគោលនយោបាយសុខភាពសាធារណៈ។