នាព្រឹកថ្ងៃទី២០ ខែមិថុនា ឆ្នាំ២០២៤ ឯកឧត្តមបណ្ឌិត ធន់ វឌ្ឍនា ប្រធានគណៈកម្មការទី២ព្រឹទ្ធសភា បានអញ្ជើញចូលរួម និងថ្លែងសុន្ទរកថា ក្នុងវេទិកាស្តីពី “ការអភិវឌ្ឍយានយន្តថាមពលថ្មី បច្ចេកវិទ្យាសូឡាកម្រិតខ្ពស់ និងឧស្សហកម្មស្តុកថាមពលថ្មី”  ក្នុងទីក្រុងHefei ខេត្តAnhui ប្រទេសចិន ដោយមានអ្នកចូលរួមជាង៣០០នាក់ មកពី១២ប្រទេស ដែលជាសមាជិក Regional Comprehensive Economic Partnership ។

ក្នុងវេទិកានោះ ឯកឧត្តមបណ្ឌិត ធន់ វឌ្ឍនា បានលើក៣ចំនុចសំខាន់គឺ
ទី១. ទំនាក់ទំនងកម្ពុជា-ចិន មានភាពជិតស្និទ្ធ និងមានតាំងពីយូរអង្វែងមកហើយ ពោលគឺបន្តពីមូលដ្ឋានរឹងមាំ ដែលបានកសាងដោយ សម្តេចព្រះ នរោត្តម សីហនុ។
ទី២. កម្ពុជាស្ថិតនៅកណ្តាលតំបន់អាស៊ាន មានយុវជនច្រើន និងមានកំណើនសេដ្ឋកិច្ចខ្ពស់ ពោលគឺល្អសម្រាប់ការវិនិយោគ ដូចជាងាយស្រួលដកទុនវិនិយោគ មិនរើសអើងរវាងវិនិយោគិនក្នុងស្រុក និងបរទេស។ លើសពីនេះ កម្ពុជាក៏មានមូលដ្ឋានច្បាប់ល្អសម្រាប់ការវិនិយោគ។ ព្រឹទ្ធសភា ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងអតីតនាយករដ្ឋមន្ត្រី មានចក្ខុវិស័យវែងឆ្ងាយ ក្នុងការធ្វើការជាមួយរដ្ឋសភា និងរាជរដ្ឋាភិបាលកម្ពុជា ធានាឱ្យមានច្បាប់ល្អសម្រាប់ធុរកិច្ច និងការវិនិយោគនៅកម្ពុជា។
ទី៣. ស្នើឱ្យមានការផ្លាស់ប្តូរគ្នាទៅវិញទៅមកនូវ មន្ត្រីរដ្ឋ-ឯកជន អ្នកស្រាវជ្រាវ សាស្ត្រាចារ្យ និងនិស្សិត ក្នុងចំណោមសមាជិក RCEP ។

ប្រភព៖ នាយកដ្ឋានស្រាវជ្រាវកិច្ចការសភា