អគ្គលេខាធិការដ្ឋានព្រឹទ្ធសភា-រដ្ឋសភា បានរៀបចំកិច្ចប្រជុំដើម្បីត្រៀមការងារបម្រើសេវាជូនសមាជិក សមាជិកាព្រឹទ្ធសភា-រដ្ឋសភា ក្រោមអធិបតីភាពឯកឧត្តម ឡាយ សំកុល អគ្គលេខាធិការព្រឹទ្ធសភា ឯកឧត្តម ឡេង ប៉េង ឡុង អគ្គលេខាធិការរដ្ឋសភា ដោយមានការចូលរួមពីឯកឧត្តម លោកជំទាវជាថ្នាក់ដឹកនាំ និងមន្រ្តីរាជការនៃអគ្គលេខាធិការដ្ឋានព្រឹទ្ធសភា-រដ្ឋសភា…។ កិច្ចប្រជុំនេះប្រព្រឹត្តទៅនារសៀលថ្ងៃពុធ ៥រោច ខែជេស្ឋ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី២៦ ខែមិថុនា ឆ្នាំ២០២៤ នៅសាលប្រជុំបន្ទាយស្រីនៃវិមានរដ្ឋសភា៕
ប្រភព៖ នាយកដ្ឋានព័ត៌មាន
