នៅថ្ងៃអាទិត្យ ទី៧ ខែកក្កដា ឆ្នាំ២០២៤ វេលាម៉ោង ១:០០នាទីរសៀល នៅសណ្ឋាគារ Fairmont Le Reine Relizabeth, Montréal-Canada គណៈប្រតិភូនៃក្រុមសភាជាតិកម្ពុជា-សភាប្រើភាសាបារាំង (Section cambodgienne de l’Assemblée parlementaire de la Francophonie-APF) ដឹកនាំដោយ ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា និងជាប្រធានគណៈប្រតិភូ បានជួបសម្តែងការគួរសម និងពិភាក្សាការងារជាមួយ លោកជំទាវ Raymonde Gagné ប្រធានព្រឹទ្ធសភានៃប្រទេសកាណាដា។ កិច្ចប្រជុំបានប្រព្រឹត្តទៅនៅក្នុងបរិយាកាសមិត្តភាពដោយផ្តោតសំខាន់លើកិច្ចសហប្រតិបត្តិការរវាងព្រឹទ្ធសភាទាំងពីរ កម្ពុជា-កាណាដា ការចែករំលែកបទពិសោធន៍ និងតម្រូវការជុំរុញការប្រើប្រាស់ភាសាបារាំងនៅក្នងតំបន់ និងកិច្ចសហប្រតិបត្តិការរួមគ្នារវាងប្រទេសនិយាយភាសាបារាំងដើម្បីសន្តិភាព និងការអភិវឌ្ឍ។

ប្រភព៖ នាយកដ្ឋានទំនាក់ទំនងអន្តរជាតិ
សម្រួលខ្លឹមសារ៖ នាយដ្ឋានព័ត៌មាន