ឯកឧត្តម ម៉ាន់ ឈឿន អញ្ជើញដឹកនាំកិច្ចប្រជុំជាមួយមន្ត្រីការិយាល័យអមក្រុមសមាជិកព្រឹទ្ធសភាប្រចាំភូមិភាគទី១
នាព្រឹកថ្ងៃទី១៧ ខែកក្កដា ឆ្នាំ២០២៥ នៅសាលប្រជុំគណៈកម្មការទី៧ព្រឹទ្ធសភា ឯកឧត្តម ម៉ាន់ ឈឿន អនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញដឹកនាំកិច្ចប្រជុំជាមួយមន្រ្តីការិយាល័យអមក្រុមសមាជិកព្រឹទ្ធសភាប្រចាំភូមិភាគទី១ ដើម្បីពិនិត្យការងារសម្រាប់ត្រៀមកិច្ចប្រជុំផ្ទៃក្នុង ក្រោមអធិបតីភាពឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ ដែលមានរបៀបវារៈចំនួន៤ រួមមាន៖
១-ពិនិត្យ និងពិភាក្សាលើកម្មវិធីសហការដឹកនាំក្រុមគ្រូពេទ្យស្ម័គ្រចិត្តរបស់អង្គការសង្គ្រោះវេជ្ជសាស្រ្ត អន្តរជាតិប្រចាំនៅកម្ពុជា (IMR) នឹងត្រៀមចុះទៅពិនិ្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ នៅខណ្ឌកំបូល និងខណ្ឌជ្រោយចង្វារ រាជធានីភ្នំពេញ។
២-ពិនិត្យ និងពិភាក្សាអំពីផែនការសកម្មភាពក្នុងចន្លោះសម័យប្រជុំលើកទី៣ និងលើកទី៤ ត្រៀម ចុះជួបសំណេះសំណេះជាមួយក្រុមប្រឹក្សាសង្កាត់ជាអង្គបោះឆ្នោត។
៣-ពិនិត្យ និងពិភាក្សាអំពីការត្រៀមរៀបចំវេទិកា ភូមិភាគទី១ ក្នុងអំទ្បុងខែកញ្ញា ឆ្នាំ២០២៥។
៤-ការងារផ្សេងៗ។
ប្រភព៖ ការិយាល័យអមក្រុមសមាជិកព្រឹទ្ធភាប្រចាំភូមិភាគទី១
