នាល្ងាចថ្ងៃសៅរ៍ ១០រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៥ ក្រុមសមាជិកព្រឹទ្ធសភាប្រចាំភូមិភាគទី៤ (ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន) ដឹកនាំដោយឯកឧត្តម ប៉ុល លឹម ប្រធានក្រុម និងជាតំណាងដ៏ខ្ពង់ខ្ពស់ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា អមដំណើរដោយថ្នាក់ដឹកនាំអគ្គលេខាធិការដ្ឋានព្រឹទ្ធសភា បានអញ្ជើញនាំយកអំណោយជាសម្ភារៈមួយចំនួនរបស់ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងអគ្គលេខាធិការដ្ឋានព្រឹទ្ធសភា ជូនឯកឧត្តម អ៊ុ រាត្រី អភិបាលខេត្តបន្ទាយមានជ័យ និងឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ សម្រាប់ចែកជូនប្រជាពលរដ្ឋភៀសឹក នៅឃុំអូរជ្រៅ និងក្រុមគ្រួសារសពលោក ឌី ណៃ ដែលត្រូវទាហានថៃបាញ់សម្លាប់។
អំណោយទាំងអស់នោះ រួមមាន៖ ទឹកដោះគោ៥កេស, ជេលលាបដៃ៥កេស, ជេលបិតក្បាល៥កេស, ថ្នាំដុសធ្មេញ២៥៦ប្រអប់, ច្រាសដុសធ្មេញ ១៥០ដើម, វ៉ែនតា១២០ ទឹកដោះគោ២កំប៉ុង ,ស្បែកជើង២គូរ ,អាវងារ០២។

ប្រភព៖ នាយកដ្ឋានព័ត៌មាន