khmer eng
  • ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា បានដឹកនាំអង្គប្រជុំពិភាក្សាតាមប្រព័ន្ធវីដេរអូ( Zoom) លើសេចក្តីព្រាងសេចក្តីប្រកាសរួម នៃសន្និសិទលើកទី៨ នៃគណៈកម្មការកិច្ចការបរទេសនៃសភា កម្ពុជា-ឡាវ -វៀតណាម CLV
     
    ចែករំលែក ៖

    កាលពីព្រឹកថ្ងៃព្រស្បតិ៍ ទី០៨ ខែកក្កដា ឆ្នាំ២០២១ វេលាម៉ោង ៩:០០នាទីព្រឹក នៅសាលប្រជុំគណៈកម្មការទី១ ព្រឹទ្ធសភា គណៈកម្មការចំពោះកិច្ច CLV ដែលដឹកនាំដោយ ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា បានដឹកនាំអង្គប្រជុំពិភាក្សាតាមប្រព័ន្ធវីដេរអូ( Zoom) លើសេចក្តីព្រាងសេចក្តីប្រកាសរួម នៃសន្និសិទលើកទី៨ នៃគណៈកម្មការកិច្ចការបរទេសនៃសភា កម្ពុជា-ឡាវ -វៀតណាម CLV ដែលគ្រោងនឹងប្រព្រឹត្តទៅនៅថ្ងៃទី២៣ ខែកញ្ញា ឆ្នាំ២០២១ នាពេលខាងមុខតាមប្រព័ន្ធនិមិ្មត ហើយកម្ពុជាធ្វើជាម្ចាស់ផ្ទះរៀបចំសន្និសីទលើកទី៨ នេះ ។ អង្គប្រជុំបានពិភាក្សាលើសេចក្តីព្រាង នៃសេចក្តីប្រកាសរួម ដែលមានចំនួន២៥ចំណុច ជាខេមរៈភាសាសិន។ បន្ទាប់ពីបានពិភាក្សាយ៉ាង់ផុលផុស និងល្អិតល្អន់ អស់រយៈពេលបួនម៉ោងកន្លះរួចមក អង្គប្រជុំបានសម្រេចកែសម្រួលជាចុងក្រោយទៅលើអក្ខរាវារុទ្ធ ឃ្លាឃ្លោង និងអត្ថន័យ ដើម្បីឲ្យត្រូវទៅតាមប្រធានបទដែលបានកំណត់ ដើម្បីដាក់ជូន ឯកឧត្តម ឈាង វុន ប្រធានគណៈកម្មការទី៥ រដ្ឋសភា និងជាប្រធានគណៈប្រតិភូសភាកម្ពុជា ។
    កិច្ចប្រជុំនេះមានការចូលរួមពី លោកជំទាវ មាន សំអាន ប្រធានគណៈកម្មការទី៨ ឯកឧត្តម ឈិត គឹមយាត អនុប្រធានគណៈកម្មការទី៥ , ឯកឧត្តម ទី សុគន្ធ សមាជិកគណៈកម្មការទី៥ (រដ្ឋសភា) , ឯកឧត្តមបណ្ឌិត ឆេង គឹមឡុង ទីប្រឹក្សារដ្ឋសភា , ឯកឧត្តម សោម សាវុធ អគ្គនាយករង នៃអគ្គនាយកដ្ឋានពិធីការ និងទំនាក់ទំនងអន្តរជាតិ , លោក កុយ ម៉ាឡៃវីរៈ ប្រធាននាយកដ្ឋានទំនាក់ទំនងអន្តរជាតិ , លោកស្រី សុខ លក្ខិណា ប្រធាននាយកដ្ឋានស្រាវជ្រាវកិច្ចកិច្ចការអន្តរជាតិ , ឯកឧត្តម ហុក ប៊ុនលី អនុប្រធាននាយកដ្ឋាន ទំនាក់ទំនងអន្តរជាតិ(រដ្ឋសភា) , ឯកឧត្តម គៀន សុវណ្ណ ជំនួយការ ឯកឧត្តម ឡូយ សុផាត(រដ្ឋសភា) លោក ពេញ ម៉េងហួត ប្រធានការិយាល័យទ្វេភាគី (រដ្ឋសភា) , លោក សៀ បឿន ជំនួយការក្រុមមិត្តភាព CLV លោក កេត ជិន្នរ៉ន ប្រធានលេខាធិការដ្ឋានអមគណៈកម្មការទី១ ព្រឹទ្ធសភា និងមន្ត្រីជំនួនការគណៈកម្មការទី១ ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៨ រៀបចំពិធីសំណេះសំណាលជាមួយនឹងថ្នាក់ដឹកនាំខេត្ត អាជ្ញាធរពាក់ព័ន្ធ និងអង្គបោះឆ្នោតទូទាំងខេត្តស្ទឹងត្រែង
    thumbnail
     
    ក្រុមមសមាជិកព្រឹទ្ធសភាប្រចាំភូមិភាគទី២ ជួបសំណេះសំណាលជាមួយក្រុមប្រឹក្សាឃុំ ក្នុងស្រុកអូររាំងឪ ខេត្តត្បូងឃ្មុំ
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៦ រៀបចំពិធីសំណេះសំណាលជាមួយក្រុមប្រឹក្សាឃុំ ស្មៀន និងនាយប៉ុស្តិ៍នគរបាល ក្នុងស្រុកកញ្ចៀច ខេត្តព្រៃវែង
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៣ រៀបចំពិធីសំណេះសំណាលជាមួយអាជ្ញាធរស្រុកកោះធំ និងក្រុងសំពៅពូន
    thumbnail
     
    ញត្តិថ្កោលទោសរបស់ ថ្នាក់ដឹកនាំ សមាជិក សមាជិកា នៃខុទ្ទកាល័យសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ប្រកាសថ្កោលទោសគម្រោងវាយប្រហារដោយដ្រូន លើភូមិគ្រឹះសម្តេចតេជោ