គណៈប្រតិភូក្រុមសភាជាតិកម្ពុជា-APF ចូលរួមកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍នៃសភាប្រើភាសាបារាំង (APF)
=======
នារាត្រីថ្ងៃទី០៦ ខែតុលា ឆ្នាំ២០២១ វេលាម៉ោង ២០:០០ នាទី គណៈប្រតិភូក្រុមសភាជាតិកម្ពុជា-APF ដឹកនាំដោយឯកឧត្តម ម៉ែន ស៊ីផាន់ អនុប្រធានគណៈកម្មការកិច្ចសហប្រតិបត្តិការ និងអភិវឌ្ឍន៍នៃក្រុមសភាជាតិកម្ពុជា-APF និងជាអនុប្រធានគណៈកម្មការទី៩ព្រឹទ្ធសភា បានអញ្ជើញចូលរួមក្នុងកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍នៃសភាប្រើភាសាបារាំង (APF) តាមប្រព័ន្ធអនឡាញ (Zoom) នៅសាល ពិសេស៣ វិមានព្រឹទ្ធសភា ដែលផ្សាយចេញពីទីក្រុងបារីប្រទេសបារាំង។
កិច្ចប្រជុំនេះ ដំណើរការដោយមានរបៀបវារៈដូខាងក្រោម៖
១-ការអនុម័តរបាយការណ៍សង្ខេប និងកំណត់ហេតុនៃកិច្ចប្រជុំតាមប្រព័ន្ធនិមិ្មតកាលពីថ្ងៃទី២៦ ខែមករាឆ្នាំ ២០២១។
២-បទអន្តរគមន៍ប្រធានគណៈកម្មការ ទី៣-ធ្វើបច្ចុប្បន្នភាពពីស្ថានភាពសេដ្ឋកិច្ចនៃបណ្តាប្រទេសលំហហ្វ្រង់កូហ្វូន។
៣-ប្រធានបទសំខាន់ពិភាក្សា ការប្រែប្រួលអាកាសធាតុ និងការអភិវឌ្ឍប្រកបដោយចីរភាពក្នុងយុគកូវីដ-១៩ ដោយធ្វើបទអន្តរាគមន៍ពីអ្នកជំនាញ ស្តីពី«សន្តិសុខស្បៀង និងអាហារូបត្ថម្ភអំឡុងពេលរីករាលដាលនៃជំងឺកូវីដ-១៩» បញ្ហាប្រឈម និងដំណោះស្រាយ ក្នុងកិច្ចប្រជុំ COP26 ស្តីពីការប្រែប្រួលអាកាសធាតុ» នៅទីក្រុងហ្គាឡាសហ្គោ (Glasgow) និងធ្វើបច្ចុប្បន្នភាព ស្តីពីស្ថានភាពនៃការចាក់វ៉ាក់សាំង និងលទ្ធភាពទទួលបានវ៉ាក់សាំងនៅក្នុងបណ្តាលំហហ្វ្រង់កូហ្វូន។
៤-ទំនាក់ទំនងនិងកិច្ចពិភាក្សាផ្តើតលើ៖ ការព្រាងសេចក្តីសម្រេចស្តីពីរបាយការណ៍ ស្តីពីមុខរបរនិងភាពរស់រវើកនៃតំបន់ជនបទ៖ សក្ខីកម្មនៃ ហ្វ្រង់កូហ្វូនីសម្រាប់ការអភិវឌ្ឍប្រកបដោយចីរភាព ផលប៉ះពាល់នៃការប្រែប្រួលអាកាសធាតុមកលើដែនដីកោះនិងទន្លេ ការត្រួតពិនិត្យលើកិច្ចចរចាពាណិជ្ជកម្មអន្តរជាតិ ក្នុងក្របខ័ណ្ឌអង្គការពាណិជ្ជកម្មពិភពលោក (WTO) និងមតិរបស់សភាហ្វ្រង់កូហ្វូនក្នុង ជំនួបនៃកិច្ចប្រជុំកំពូលរបស់ថ្នាក់ដឹកនាំតាមបណ្តាប្រទេស និងរដ្ឋាភិបាលហ្វ្រង់កូហ្វូន។
៥-ពិភាក្សាអំពីកិច្ចការនៃគណៈកម្មាធិការ នាពេលអនាគត រៀបចំសិក្ខាសាលារួមគ្នាស្តីពីច្បាប់នៃរដ្ឋបាលដីធ្លី និងតួនាទីស្ត្រីក្នុងវិស័យឧស្សាហកម្ម (នៅប្រទេសម៉ាដាហ្គាស្កា) និងការចូលរួមរបស់គណៈប្រតិភូនៃសភាហ្វ្រង់កូហ្វូន (APF) ក្នុងកិច្ចប្រជុំ COP26 ស្តីពីការប្រែប្រួលអាកាសធាតុនៅទីក្រុង ហ្គាឡាសហ្គោ (Glasgow) សិក្ខាសាលាស្តីពី ការដោះដូរ តំបន់ពាណិជ្ជកម្មសេរី ក្នុងទ្វីបអាហ្រ្វិក វេទិកាពិភពលោកលើកទី៩ ស្តីពីបញ្ហាទឹក នៅទីក្រុងដាកាឆ្នាំ២០២២៕
