khmer eng
  • ឯកឧត្តម ឆាយ វណ្ណា ជួបជាមួយតំណាងស្ថានទូតសាធារណរដ្ឋឥណ្ឌូនេស៊ី
     
    ចែករំលែក ៖

    នាព្រឹកថ្ងៃទី០៦ ខែធ្នូ ឆ្នាំ២០២១ វេលាម៉ោង១០:០០នាទីព្រឹក ឯកឧត្តម ឆាយ វណ្ណា លេខាធិការគណៈកម្មការទី៥ព្រឹទ្ធសភា បានអញ្ជើញជួបពិភាក្សាការងារជាមួយនឹងឯកឧត្តម Sudirman Haseng ឯកអគ្គរដ្ឋទូត នៃសាធារណរដ្ឋឥណ្ឌូនេស៊ីប្រចាំនៅព្រះរាជាណាចក្រកម្ពុជា។
    នៅក្នុងឱកាសនោះ ឯកឧត្តម ឆាយ វណ្ណា បានរំលឹកអំពី ទំនាក់ទំនងការទូតរវាងប្រទេសទាំងពីរ ដែលត្រូវបានបង្កើតឡើងតាំងពីយូរលង់ណាស់មកហើយ ព្រមទាំងធ្លាប់ជួយគាំទ្រគ្នាទៅវិញទៅមក។
    ឯកឧត្តម ឆាយ វណ្ណា បានលើកឡើងថាបច្ចុប្បន្នព្រះរាជាណាចក្រកម្ពុជា បាននឹងកំពុងធ្វើការអភិវឌ្ឍន៍លើគ្រប់វិស័យ ជាពិសេសកម្ពុជាសូមស្វាគមន៍អ្នកវិនិយោគគ្រប់បណ្តាប្រទេសទាំងអស់ដើម្បីចូលមកវិនិយោគនៅប្រទេសកម្ពុជា ក្នុងនោះឯកឧត្តមបមានជំនឿជឿជាក់ថា តាមរយៈស្ថានទូតនៅពេលអនាគត អ្នកវិនិយោគិនឥណ្ឌូនេស៊ី នឹងមកធ្វើការវិនិយោគនៅព្រះរាជាណាចក្រកម្ពុជាបន្ថែមទៀត។
    ចំពោះកិច្ចសហប្រតិបត្តិការអន្តរជាតិ ឯកឧត្តម ឆាយ វណ្ណា បានបញ្ជាក់ថា ព្រឹទ្ធសភាកម្ពុជា បានត្រៀមខ្លួនជានិច្ច ដើម្បីធ្វើការទំនាក់ទំនង និងកិច្ចសហប្រតិបត្តិការល្អជាមួយនឹងបណ្តាសភា និងប្រទេសនានានៅលើពិភពលោក។
    ជាការឆ្លើយតប ឯកឧត្តម Sudirman Haseng ឯកអគ្គរដ្ឋទូត នៃសាធារណរដ្ឋឥណ្ឌូនេស៊ី បានវាយតម្លៃខ្ពស់ចំពោះការវិវត្តរីកចម្រើនយ៉ាងឆាប់រហ័សរបស់ប្រទេសកម្ពុជា។ តាមរយៈស្ថានទូតឥណ្ឌូនេស៊ីប្រចាំកម្ពុជា ឯកឧត្តមនឹងធ្វើការផ្សព្វផ្សាយ និងជំរុញដល់អ្នកវិនិយោគទុននៅប្រទេសឥណ្ឌូនេស៊ី ដើម្បីមកធ្វើការវិនិយោគនៅព្រះរាជាណាចក្រកម្ពុជាលើវិស័យ កសិកម្ម ឧស្សាហកម្ម និងទេសចរណ៍។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមឡាន់ ឆន អញ្ជើញជាគណៈអធិបតីក្នុងកិច្ចប្រជុំបូកសរុបលទ្ធផលការងារជាមួយរដ្ឋបាលស្រុកអូរាំងឪខេត្តត្បូងឃ្មុំ
    thumbnail
     
    សមាជិកសមាជិកានៃគណៈកម្មការជំនាញទាំង១០ របស់ព្រឹទ្ធសភា អញ្ជើញចូលរួមក្នុងពិធីបើកផ្លូវការនៃកិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់អាយប៉ាស្តីពីគ្រឿងញៀន
    thumbnail
     
    សារលិខិតអបអរសារទររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា គោរពជូនឯកឧត្តម Vuong Dinh Hue ប្រធានរដ្ឋសភា នៃសាធារណរដ្ឋសង្គមនិយមវៀតណាម ក្នុងឱកាសនៃការប្រារព្ធខួបអនុស្សាវរីយ៍លើកទី៥៥ នៃថ្ងៃបង្កើតទំនាក់ទំនងការទូតរវាងព្រះរាជាណាចក្រកម្ពជា ជាមួយសាធារណរដ្ឋសង្គមនិយមវៀតណាម
    thumbnail
     
    ក្រុមសមាជិកគណៈកម្មការទី៧ ព្រឹទ្ធសភា បានអញ្ជើញប្រជុំ ដើម្បីពិនិត្យ និងពិភាក្សាកែសម្រួលខ្លឹមសារឯកសារត្រៀមដំណើរចុះបំពេញបេសកកម្មនៅខេត្តព្រះសីហនុ
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា គោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដែលសាលាដំបូងរាជធានីភ្នំពេញបានសម្រេចកែតម្រូវ ថ្ងៃ-ខែ-ឆ្នាំ កំណើតរបស់សម្តេចនាយករដ្ឋមន្ត្រី ទៅជា ថ្ងៃ-ខែ-ឆ្នាំ កំណើតពិតប្រាកដ