khmer eng
  • ឯកឧត្តម ឆាយ វណ្ណា ជួបពិភាក្សាការងារជាមួយឯកអគ្គរដ្ឋទូតទូតសាធារណរដ្ឋតួកគី
     
    ចែករំលែក ៖

    នារសៀលថ្ងៃទី០៧ ខែធ្នូ ឆ្នាំ២០២១ ឯកឧត្តម ឆាយ វណ្ណា លេខាធិការគណៈកម្មការទី៥ព្រឹទ្ធសភា បានអញ្ជើញជួបពិភាក្សាការងារជាមួយនឹងលោកជំទាវ Ayda Unlu ឯកអគ្គរដ្ឋទូតនៃសាធារណរដ្ឋតួកគីប្រចាំនៅព្រះរាជាណាចក្រកម្ពុជា។
    នៅក្នុងឱកាសនោះ ឯកឧត្តម ឆាយ វណ្ណា បានរំលឹកអំពីការទំនាក់ទំនងមិត្តភាព និងចំណងការទូតរវាងប្រទេសទាំងពីរ កម្ពុជា-តួកគី ចាប់ពីឆ្នាំ១៩៥៩ មក ហើយបានបើកដំណើរការស្ថានទូតឡើងវិញនៅព្រះរាជាណាចក្រកម្ពុជានៅឆ្នាំ២០១៣។
    ឯកឧត្តម ឆាយ វណ្ណា បានលើកឡើងអំពី ទំនាក់ទំនងចំណងមិត្តភាពរវាងប្រទេសទាំងពីរ ដែលមានការវិវឌ្ឍរីកចម្រើនលើគ្រប់វិស័យរួមមាន វិស័យកសិកម្ម ឧស្សាហកម្ម អប់រំ វប្បធម៌ ទេសចរណ៍ និងពាណិជ្ជកម្ម ដែលបានរួមចំណែកជំរុញការអភិវឌ្ឍសេដ្ឋកិច្ចនៃប្រទេសទាំងពីរ។
    ឯកឧត្តម ឆាយ វណ្ណា បានបញ្ជាក់ថា ចំពោះកិច្ចសហប្រតិបត្តិការអន្តរជាតិ ព្រឹទ្ធសភាកម្ពុជាបានបង្កើតក្រុមមិត្តភាពទ្វេភាគីរវាង ព្រះរាជាណាចក្រកម្ពុជាជាមួយសភានៃសាធារណរដ្ឋតួកគី ដើម្បីពង្រឹងទំនាក់ទំនងចំណងមិត្តភាព និងកិច្ចសហប្រតិបត្តិការរវាងសភា នៃប្រទេសទាំងពីរ។
    ជាការឆ្លើយតប លោកជំទាវ Ayda Unla បានសម្តែងនូវការស្វាគមន៍ និងថ្លៃងអំណរគុណចំពោះឯកឧត្តមលេខាធិការគណៈកម្មការទី៥ ដែលបានមកជួបពិភាក្សាការងារនៅពេលនេះ។ លោកជំទាវបានធ្វើការកត់សំគាល់ អំពីការអភិវឌ្ឍន៍ រីកចម្រើនជាបន្តបន្ទាប់របស់ព្រះរាជាណាចក្រកម្ពុជា និងមានជំនឿយ៉ាងមុតមាំថាប្រទេសទាំងពីរនឹងបង្កើនការរឹតចំណងសាមគ្គីភាព មិត្តភាព កិច្ចសហប្រតិបត្តិការឱ្យកាត់តែល្អប្រសើរថែមទៀត ជាពិសេសការបង្កើនលើវិស័យពាណិជ្ជកម្ម និងវិនិយោគនៅព្រះរាជាណាចក្រកម្ពុជា។


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកព្រឹទ្ធសភា បានអញ្ជើញចូលរួមដាក់កម្រងផ្កាគោរពវិញ្ញណក្ខន្ធ ចំពោះវីរយុទ្ធជន វីរយុទ្ធនារី និងប្រជាជនកម្ពុជា ពលីក្នុងរបបប្រល័យពូជសាសន៍ ប៉ុល ពត
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ព្រឹទ្ធសភា
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមក្នុងពិធីបុណ្យសពលោកជំទាវ សោម វណ្ណា ដែលត្រូវជាភរិយាឯកឧត្តម ភិន ឆាំ សមាជិកក្រុមប្រឹក្សាខេត្តស្វាយរៀង ដែលបានទទួលមរណភាព
    thumbnail
     
    ឯកឧត្តម ឈើយ ចាន់ណា លេខាធិការក្រុមសមាជិកព្រឹទ្ធសភា ប្រចាំភូមិភាគទី៤ មានរៀបចំពិធី ប្រកាសចូលកាន់តំណែងក្រុមប្រឹក្សាស្រុកស្វាយចេក អណត្តិទី៤
    thumbnail
     
    លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីភាព ដឹកនាំកិច្ចប្រជុំពិភាក្សាការងារ នៅសាលប្រជុំគណៈកម្មការទី៨ព្រឹទ្ធសភា ដើម្បីពិនិត្យខ្លឹមសារត្រៀមចុះធ្វើពិធីសំណេះសំណាលជាមួយសមាជិកក្រុមប្រឹក្សាឃុំ សង្កាត់