ក្នុងឱកាសទស្សនៈកិច្ច នៅលើទឹកដីខេត្តសៀមរាប គណៈប្រតិភូក្រុមមិត្តអន្តរសភាបារាំង-កម្ពុជា ដឹកនាំដោយឯកឧត្តម Vincent Eblé សមាជិកព្រឹទ្ធសភាបារាំង និងជាប្រធានក្រុមអន្តរសភាមិត្តភាពបារាំង-កម្ពុជា អមដំណើរដោយលោកជំទាវ អ៊ុំ សូម៉ានីន សមាជិកាក្រុមអន្តរសភាមិត្តភាពកម្ពុជា-បារាំង និងជាសមាជិកាព្រឹទ្ធសភា ព្រមទាំងឯកឧត្តម លីម ប៊ុនហុក អគ្គលេខាធិការរងព្រឹទ្ធសភា ទទួលបានការអញ្ជើញស្វាគមន៍យ៉ាងកក់ក្តៅពីឯកឧត្តម ស៊ុ សារឿត តំណាងរាស្ត្រខេត្តសៀមរាប និងជាសមាជិកគណៈកម្មការទី៧រដ្ឋសភា ដោយមានការចូលរួមពីប្រធានក្រុមប្រឹក្សាខេត្ត និងបានរៀបចំពិធីពិសារអាហារសាមគ្គី ជូនដល់គណៈប្រតិភូ នៅរាត្រីថ្ងៃទី០៩ ខែឧសភា ឆ្នាំ២០២២ នៅសណ្ឋាគារអង្គរប៉ារ៉ាឌី ដែលស្ថិតនៅសង្កាត់ស្វាយដង្គំ ក្រុងសៀមរាប ខេត្តសៀមរាប៕
ប្រភព៖នាយកដ្ឋានព័ត៌មាន
