នារសៀលថ្ងៃទី២៤ ខែឧសភា ឆ្នាំ២០២២ នៅសាលប្រជុំពិសេស៣ វិមានព្រឹទ្ធសភា ឯកឧត្តម ខៀវ មុត អនុប្រធានគណៈកម្មការទី១ព្រឹទ្ធសភា និងជាតំណាងគណៈកម្មការកិច្ចការសភានៃក្រុមសភាជាតិកម្ពុជា-APF បានបន្តអញ្ជើញចូលរួមកិច្ចប្រជុំគណៈកម្មការកិច្ចការសភាAPF ក្រោមអធិបតីភាពឯកឧត្តម Joël Godin ប្រធានគណៈកម្មការកិច្ចការសភា APF តាមប្រព័ន្ធនិម្មិត ផ្សាយចេញពីសភាសហព័ន្ធវ៉ាល់ឡូនីព្រុចសែល ប្រទេសប៊ែហ្សិក។ ក្នុងឱកាសចូលរួមនៃកិច្ចប្រជុំនេះ ឯកឧត្តម ខៀវ មុត បានជម្រាបជូនអង្គប្រជុំអំពី សកម្មភាពកិច្ចសហប្រតិបត្តិការរវាងក្រុមសភាជាតិកម្ពុជា និងសភាប្រើភាសាបារាំងសម្រាប់ឆ្នាំ២០២២។ កិច្ចប្រជុំនេះប្រព្រឹត្តទៅរយៈពេលពីរថ្ងៃ គឺថ្ងៃទី២៣ និងថ្ងៃទី២៤ ខែឧសភា ឆ្នាំ២០២២៕
ប្រភព៖នាយកដ្ឋានព័ត៌មាន
