khmer eng
  • ឯកឧត្តម ជា ជេដ្ឋ អញ្ជើញដឹកនាំគណៈប្រតិភូសភាជាតិកម្ពុជា ចូលរួមពិធីបើកមហាសន្និបាតលើកទី៤៧ នៃសភានិយាយភាសាបារាំង (APF) នៅទីក្រុងហ្គីហ្គាលី ប្រទេសរ៉វ៉ាន់ដា
     
    ចែករំលែក ៖

    នាថ្ងៃសុក្រ ទី០៨ ខែកក្កដា ឆ្នាំ២០២២ ឯកឧត្តម ជា ជេដ្ឋ
    ប្រធានគណៈកម្មការទី២ព្រឹទ្ធសភា, អនុប្រធានគណៈកម្មាធិការអចិន្រ្តៃយ៍ នៃក្រុមសភាជាតិកម្ពុជា-APF និងជាប្រធានគណៈប្រតិភូនៃក្រុមសភាជាតិកម្ពុជា-APF
    បានដឹកនាំគណៈប្រតិភូអញ្ជើញចូលរួមពិធីបើកមហាសន្និបាតលើកទី៤៧ នៃសភា
    ប្រើភាសាបារាំង (APF) នៅ Centre de Convention ទីក្រុងហ្គីហ្គាលី ប្រទេសរ៉វ៉ាន់ដា ក្រោមអធិបតីភាពដ៏ខ្ពង់ខ្ពស់់ ឯកឧត្តម Adama Bictogo ប្រធាន APF និងជាប្រធានរដ្ឋសភាប្រទេស Côte d’Ivoire។

    ដំណើរការប្រព្រឹត្តទៅរបស់អង្គមហាសន្និបាតមានដូចតទៅ៖
    – បោះឆ្នោតជ្រើសរើស ឯកឧត្តម Francis Drouin តំណាងរាស្រ្តប្រទេសកាណាដា ជាប្រធានសភាប្រើភាសាបារាំង។
    – តែងតាំង ឯកឧត្តម Bruno Fuchs តំណាងរាស្រ្តប្រទេសបារាំង ជាអគ្គលេខាធិការសមាជិកសភាស្តីទីនៃសភាប្រើភាសាបារាំង។
    – អនុម័តផ្តល់សច្ចាប័នលើកិច្ចព្រមព្រៀងជាដៃគូជាមួយសមាគមនានា ដូចជា៖
    ១-សមាគមសាការីប្រើភាសាបារាំង។
    ២-មជ្ឈមណ្ឌលស្រាវជ្រាវ សិក្សាអំពីកិច្ចការសភានៃសាកលវិទ្យាល័យ
    លុចសំបួរ។
    ៣-បណ្តាញក្រមសីលធម៌របស់សមាជិកសភាប្រើភាសាបារាំង។
    – ពិភាក្សាទូទៅលើប្រធានបទស្តីពីអភិបាលកិច្ចជាសាកល៖ តួនាទីរបស់សភាដើម្បី
    ធានាឱ្យមានសន្តិភាពយូរអង្វែង។
    – បទបង្ហាញរបាយការណ៍ស្តីពីសកម្មភាពការងារនៅក្នុងតំបន់ទាំងបួន។

    ឆ្លៀតឱកាសនៃអង្គមហាសន្និបាតនេះ ឯកឧត្តមប្រធានគណៈប្រតិភូបានអញ្ជើញជួបពិភាក្សាការងារជាមួយ លោកស្រី Mireille Eza នាយិកាឌីហ្ស៊ីតាល់ និងជាទីប្រឹក្សាទទួលបន្ទុកតំបន់អាស៊ី
    ប៉ាស៊ីហ្វិក-APF ដើម្បីផ្លាស់ប្តូរព័ត៌មានពាក់ព័ន្ធនឹងកាលបរិច្ឆេទសម្រាប់ទស្សនកិច្ចការ
    ងាររបស់គណៈប្រតិភូបេសកកម្មសុច្ឆន្ទៈ APF នៅកម្ពុជា ដែលអាចគ្រោងឡើងនៅសប្តាហ៍ទីមួយ ខែធ្នូ ឆ្នាំ២០២២ ខាងមុខនេះ។

    លើសពីនេះទៀត គណៈប្រតិភូបានអញ្ជើញថតរូបរួមគ្នាជាមួយនឹងសមាជិកសភានៅក្នុងតំបន់អាស៊ីប៉ាស៊ីហ្វិក ដើម្បីរឹតចំណងសាមគ្គីភាពសមាជិកសភានៅក្នុងតំបន់អាស៊ីប៉ាស៊ីហ្វិក (កម្ពុជា-វៀតណាម ប៉ូលេនេស៊ី បារាំង នូវែល-កាឡេដូនី)។

    មហាសន្និបាតនេះ នឹងបន្តកិច្ចប្រជុំរបស់ខ្លួននៅថ្ងៃសៅរ៍ ទី០៩ ខែកក្កដា ឆ្នាំ២០២២ ជាបន្តទៀត។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងាររបស់ អគ្គលេខាធិការដ្ឋានព្រឹទ្ធសភាប្រចាំខែកុម្ភៈ និងកំណត់ទិសដៅការងារប្រចាំខែមីនា ឆ្នាំ២០២៤ 
    thumbnail
     
    ឯកឧត្តម ឡៅ ឆន បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២វត្ត ស្ថិតនៅក្រុងសៀមរាប ខេត្តសៀមរាប
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះសពសម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស
    thumbnail
     
    សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញដាក់កម្រងផ្កាគោរពវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា
    thumbnail
     
    ឯកឧត្តម យ៉ង់ សែម បានអញ្ជើញដឹកនាំកិច្ចប្រជុំត្រៀមលក្ខណៈសម្រាប់ការចូលរួមមហាសន្និបាតសហភាពអន្តរសភាលើក១៤៨ (IPU-148) នៅទីក្រុងហ្សឺណែល ប្រទេសស្វីស