khmer eng
  • សភាកម្ពុជារៀបចំសិក្ខាសាលាស្តីពីស្វ័យភាពសេដ្ឋកិច្ចរបស់ស្រ្តីនៅតំបន់ជនបទ និងវិធីសាស្ត្រនៃការចរចារប្រើប្រាស់នៅក្នុងក្របខណ្ឌកិច្ចការសភា
     
    ចែករំលែក ៖

    នាថ្ងៃទី២៧ ខែកញ្ញា ឆ្នាំ២០២២ ព្រឹទ្ធសភា រដ្ឋសភានៃព្រះរាជាណាចក្រកម្ពុជា រៀបចំសិក្ខាសាលាក្នុងក្របខណ្ឌសភាប្រើភាសាបារាំង ស្តីពីស្វ័យភាពសេដ្ឋកិច្ចរបស់ស្រ្តីនៅតំបន់ជនបទ និងវិធីសាស្ត្រនៃការចរចារប្រើប្រាស់នៅក្នុងក្របខណ្ឌកិច្ចការសភា ក្រោអធិបតីភាពលោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អនុប្រធាននៃក្រុមសភាជាតិកម្ពុជា-APF និងជាប្រធានបណ្តាស្រ្តីនៃសភាជាតិកម្ពុជា-APF នៅវិមានព្រឹទ្ធសភា ដោយមានការអញ្ជើញចូលរួមពីសមាជិក សមាជិកាព្រឹទ្ធសភា រដ្ឋសភា តំណាងកម្មវិធីអភិវឌ្ឍន៍នៃអង្គការសហប្រជាជតិ តំណាងស្ថានទូតស្វីសប្រចាំព្រះរាជាណាចក្រកម្ពុជា លោកស្រីនាយិកាទីភ្នាក់ងាអភិវឌ្ឍន៍បារាំងប្រចាំព្រះរាជាណាចក្រកកម្ពុជា និងថ្នាក់ដឹកនាំ មន្ត្រីរាជការនៃអគ្គលេខាធិការដ្ឋានព្រឹទ្ធសភា រដ្ឋសភាចូលរួមចំនួន ១៣០នាក់ ព្រមទាំងមានការចូលរួមពីសមាជិកសភានៃបណ្តាប្រទេសក្នុងតំបន់អាស៊ីប៉ាស៊ីហ្វិក និងអ្នកជំនាញវាយតំលៃការអនុវត្ត SDGs របស់អង្គការ APEA, UNFPA, EvalYouth (Global Network) និង EvalYouth (Asia Chapter) សរុបប្រមាណជាង ២០០នាក់ តាមប្រព័ន្ធនិម្មិត។
    ក្នុងឱកាសបើកសិក្ខាសាលានេះ មានការឡើងថ្លែងសន្ទរកថាស្វាគមន៍ដោយឯកឧត្តម ឡេង ប៉េងឡុង អគ្គលេខាធិការរដ្ឋសភា និងសន្ទរកថារបស់លោកជំទាវ Maryse Gaudreault ប្រធានបណ្តាលស្រ្តីសភាប្រើប្រាស់ភាសាបារាំង តំណាងដោយលោកជំទាវ Latifa Gahouchi សមាជិកានៃសភាសហព័ន្ធវ៉ាល់ឡូនីព្រុចសែល-ប៊ែលហ្សិក និងប្រសាសន៍បើកអង្គសិក្ខាសាលាដោយ លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អនុប្រធាននៃក្រុមសភាជាតិកម្ពុជា APF និងជាប្រធានបណ្តាលស្រ្តីនៃសភាជាតិកម្ពុជាAPF ។
    សិក្ខាសាលានេះរៀបចំដោយព្រឹទ្ធសភា រដ្ឋសភានៃព្រះរាជាណាចក្រកម្ពុជា សហការជាមួយនឹងមជ្ឈមណ្ឌលសភាអាស៊ី មានរយៈពេលបីថ្ងៃ ចាប់ថ្ងៃទី២៧ ដល់ថ្ងៃទី២៩ ខែកញ្ញា ឆ្នាំ២០២២ ដោយមានពិភាក្សាផ្តោតសំខាន់ទៅលើប្រធានបទចំនួន០២គឺ៖ ទី១.ស្វ័យភាពសេដ្ឋកិច្ចរបស់ស្រ្តីនៅតំបន់ជនបទ។ ទី២.វិធីសាស្ត្រនៃការចរចារប្រើប្រាស់នៅក្នុងក្របខណ្ឌកិច្ចការសភា៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចូលរួមពិធីសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ និវត្តន៍ជន ក្នុងស្រុករុក្ខគិរី ខេត្តបាត់ដំបង សរុបចំនួន ១២០០ រូប
    thumbnail
     
    ឯកឧត្តម ប្រាក់ ចំរើន អនុប្រធានគណៈកម្មការទី៨ ព្រឹទ្ធសភា បានអញ្ជើញចូលរួមជាកិត្តិយសក្នុងពិធីសំណេះសំណាលជាមួយបងប្អូនកម្មករនិយោជិត នៅក្នុងសួនឧស្សាហកម្មខេមតុន
    thumbnail
     
    ឯកឧត្តម សុខ ឥសាន ជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៦ បាននាំយកអំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវ ជាថ្នាំពេទ្យ ដែលជាជំនួយរបស់មូលនិធិចែករំលែកសង្រ្គោះជីវិតសកល
    thumbnail
     
    ឯកឧត្តម កិត្តិនីតលោសលបណ្ឌិត ម៉ុម ជឹមហ៊ុយ ផ្ញេីសារលិខិតចូលរួមរំលែកទុក្ខជូន ឯកឧត្តម ចាយ បូរិន អ្នកតំណាងរាស្រ្តខេត្តត្បូងឃ្មុំ និងលោកជំទាវ ព្រមទាំងក្រុមគ្រួសារ ចំពោះមរណភាពរបស់លោកតាព្រឹទ្ធាចារ្យ ចាយ ស៊ាងអ៉ី ដែលត្រូវជាឪពុកបង្កេីតរបស់ឯកឧត្តម
    thumbnail
     
    ឯកឧត្តម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានរៀបចំកិច្ចប្រជុំ ស្ដីពីការជំរុញការអនុវត្តគម្រោងផលិតកម្មគ្រាប់ពូជស្រូវ នៃការនាំចេញអង្ករគុណភាពល្អនិងការបង្កើតសហគមន៍កសិកម្មក្នុងមូលដ្ឋាន