khmer eng
  • ឯកឧត្តម ឆាយ វណ្ណា ជួបពិភាក្សាការងារជាមួយឯកឧត្តម Mohamad S ALHAJRI ឯកអគ្គរាជទូតគូវ៉ែតទើបតែងតាំងថ្មីប្រចាំព្រះរាជាណាចក្រកម្ពុជា
     
    ចែករំលែក ៖

    នាថ្ងៃទី២៦ ខែតុលា ឆ្នាំ២០២២ វេលាម៉ោង១:០០រសៀល ឯកឧត្តម ឆាយ វណ្ណា លេខាធិការគណៈកម្មការទី៥ ព្រឹទ្ធសភា បានអញ្ជើញជួបពិភាក្សាការងារជាមួយ ឯកឧត្តម Mohamad S ALHAJRI ឯកអគ្គរាជទូតគូវ៉ែតទើបតែងតាំងថ្មី ប្រចាំនៅព្រះរាជាណាចក្រកម្ពុជា។
    នៅក្នុងឱកាសនោះ ឯកឧត្តមលេខាធិការគណៈកម្មការទី៥ព្រឹទ្ធសភា បានជម្រាបជូនឯកឧត្តម Mohamad S ALHAJRI អំពីការទំនាក់ទំនងចំណងមិត្តភាព រវាងព្រះរាជាណាចក្រកម្ពុជា ជាមួយប្រទេសគូវ៉ែតដែលមានទំនាក់ទំនងការទូតជាមួយគ្នាជាយូរលង់ណាស់មកហើយ និងធ្លាប់ជួយគាំទ្រគ្នាទៅវិញទៅមក។
    ឯកឧត្តមបានលើកឡើងថាបច្ចុប្បន្នព្រះរាជាណាចក្រកម្ពុជា បាននឹងកំពុងធ្វើការអភិវឌ្ឍន៍លើគ្រប់វិស័យ ជាពិសេសកម្ពុជាសូមស្វាគមន៍អ្នកវិនិយោគគ្រប់បណ្តាប្រទេសទាំងអស់ ដើម្បីចូលមកវិនិយោគនៅកម្ពុជា ក្នុងនោះឯកឧត្តមសង្ឃឹមយ៉ាងមុតមាំថា តាមរយៈស្ថានទូតនៅពេលអនាគតនឹងមានអ្នកវិនិយោគមកពីប្រទេសគូវ៉ែតនឹងមកធ្វើការវិនិយោគនៅព្រះរាជាណាចក្រកម្ពុជាបន្ថែមទៀត។ ជាការឆ្លើយតប ឯកឧត្តម Mohamad S ALHAJRI បានកត់សម្គាល់ថា នៅរយៈពេលចុងក្រោយនេះប្រទេសកម្ពុជាមានការវិវត្តន៍រីកចម្រើនយ៉ាងឆាប់រហ័ស ហើយកំពុងធ្វើការអភិវឌ្ឍន៍ជាបន្តបន្ទាប់ទៀត។
    តាមរយៈស្ថានទូតគូវ៉ែតប្រចាំនៅព្រះរាជាណាចក្រកម្ពុជាឯកឧត្តមសន្យាថានឹងខិតខំធ្វើការផ្សព្វផ្សាយ និងជម្រុញដល់អ្នកវិនិយោគទុននៅប្រទេសគូវ៉ែតដើម្បីមកធ្វើការវិនិយោគនៅព្រះរាជាណាចក្រកម្ពុជា លើវិស័យកសិកម្ម ឧស្សាហកម្ម និងទេសចរណ៍។ បន្ទាប់មកឯកឧត្តមលេខាធិការគណៈកម្មការទី៥ព្រឹទ្ធសភា លើកឡើងអំពីស្ថាប័នព្រឹទ្ធសភាជាស្ថាប័នកំពូលរបស់ជាតិដែលមានមុខអារនីតិកម្ម មុខងារតំណាង និងមុខងារតាមដានការអនុត្តន៍ច្បាប់។ ចំពោះកិច្ចការសហប្រតិបត្តិការអន្តរជាតិ ព្រឹទ្ធសភានៃព្រះរាជាណាចក្រកម្ពុជា បានដើរតួនាទីយ៉ាងសំខាន់ក្នុងការទំនាក់ទំនងជាមួយសភាគ្រប់បណ្តាប្រទេសទាំងអស់។ ឯកឧត្តមមានសង្ឃឹមថា នៅពេល អនាគតសភានៃប្រទេសទាំងពីរនឹងបង្កើតទំនាក់ទំនងចំណងមិត្តភាព កិច្ចសហប្រតិបត្តិការកាន់តែល្អប្រសើថែមទៀត៕

    ប្រភព៖ លេខាធិការដ្ឋានអមគណៈកម្មការទី៥


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មាន សំអាន អញ្ជើញដឹកនាំកិច្ចប្រជុំផ្ទៃក្នុង គណៈកម្មការទី៨ ព្រឹទ្ធសភា
    thumbnail
     
    គណៈកម្មការទី២ព្រឹទ្ធសភា អញ្ជើញស្តាប់បទបង្ហាញលើសេចក្តីព្រាងច្បាប់ ស្តីពី ការរៀបចំដែនដី និងនគរូបនីយកម្ម
    thumbnail
     
    សម្ដេចតេជោប្រធានព្រឹទ្ធសភា អនុញ្ញាតឱ្យឯកអគ្គរដ្ឋទូតចិនប្រចាំកម្ពុជា ចូលជួបសម្តែងការគួរសម និងជម្រាបលា
    thumbnail
     
    លោកជំទាវ ចាន់ សុទ្ធាវី អញ្ជើញដឹកនាំកិច្ចប្រជុំផ្ទៃក្នុងគណៈកម្មការទី៦ ព្រឹទ្ធសភា
    thumbnail
     
    ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ ព្រឹទ្ធសភា និងឯកឧត្តម សាយ បូរិន សមាជិកគណៈកម្មការទី៥ បានអញ្ជើញចូលរួមជាកិត្តិយសក្នុងព្រះរាជពិធីបុណ្យច្រត់ព្រះនង្គ័ល និងទស្សនាពិព័ណ៍ ផលិតកម្ម កសិកម្ម សិប្បកម្មក្នុងស្រុក