khmer eng
  • ឯកឧត្តម ឈិត គឹមយាត ដឹកនាំកិច្ចប្រជុំគណៈកម្មាធិការកិច្ចការរៀបចំ នៃមហាសន្និបាតអន្តរសភាអាស៊ានលើកទី៤៣
     
    ចែករំលែក ៖

    នាព្រឹថ្ងៃទី២២ ខែវិច្ឆិកា ឆ្នាំ២០២២ ឯកឧត្ដម ឈិត គឹមយាត ប្រធានស្ដីទីគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃព្រឹទ្ធសភា (គណៈកម្មការទី៥) និងជាប្រធានកិច្ចប្រជុំគណៈកម្មាធិការរៀបចំនៃអន្តរសភាអាស៊ានអាយប៉ាកម្ពុជា បានអញ្ជើញដឹកនាំកិច្ចប្រជុំគណៈកម្មាធិការរៀបចំនៃអន្តរសភាអាស៊ាន ក្នុងឱកាសសភាកម្ពុជាធ្វើជាប្រធានមហាសន្និបាតអន្តរសភាអាស៊ានលើកទី៤៣ នៅសណ្ឋាគារសុខា រាជធានីភ្នំពេញ។
    កិច្ចប្រជុំបានពិភាក្សា និងអនុម័តលើសេចក្ដីព្រាងសេចក្ដីសម្រេចចំនួន២១ មានជាអាទិ៍៖
    ១.របាយការណ៍ហិរញ្ញវត្ថុឆ្នាំ២០២១-២០២២
    ២.ការប៉ាន់ស្មានថវិកាឆ្នាំ២០២២-២០២៣
    ៣.របាយការណ៍លេខាធិការដ្ឋានឆ្នាំ២០២១-២០២២
    ៤.ការទទួលស្គាល់សភាសហរដ្ឋអាមេរិកជាអ្នកសង្កេតការណ៍នៃអន្តរសភាអាស៊ាន (អាយប៉ា)
    ៥.ការទទួលស្គាល់សភាហ្ស៊កហ្ស៊ីជាអ្នកសង្កេតការណ៍នៃអន្តរសភាអាស៊ាន (អាយប៉ា)
    ៦.ការទទួលស្គាល់រដ្ឋសភានេប៉ាល់ជាអ្នកសង្កេតការណ៍នៃអន្តរសភាអាស៊ាន (អាយប៉ា)
    ៧.ការទទួលស្គាល់សភានៃសាធារណរដ្ឋអាស៊ែបៃហ្សង់ជាអ្នកសង្កេតការណ៍នៃអន្តរសភាអាស៊ាន (អាយប៉ា)
    ៨.ការបន្តនិងធ្វើវិសោធនកម្មនៃអនុស្សរណៈនៃការយោគយល់គ្នារវាងអាយប៉ា និងវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) ដើម្បី “អភិវឌ្ឍសមត្ថភាពរបស់ អាយប៉ាលើបញ្ហាពាក់ព័ន្ធសហគមន៍សេដ្ឋកិច្ចអាស៊ាន និងសមាហរណកម្មសេដ្ឋកិច្ចអាស៊ាន នៅក្នុងវិស័យនានា”
    ៩.ការបន្តនិងធ្វើវិសោធនកម្មនៃអនុស្សរណៈនៃការយោគយល់គ្នាអំពីកិច្ចសហប្រតិបត្តិការរវាងលេខាធិការដ្ឋានអាយប៉ា និងមូលនិធិ Freeland
    ១០.ការបន្ត និងធ្វើវិសោធនកម្មអនុស្សរណៈនៃការយោគយល់គ្នារវាងអាយប៉ា និងមជ្ឈមណ្ឌលសភាអាស៊ី (PCAsia) ស្តីពី “កម្មវិធីអភិវឌ្ឍន៍សមត្ថភាពសម្រាប់មន្រ្តីនៃសភាសមាជិកអាយប៉ា”
    ១១.ការបង្កើតក្រុមការងារពិគ្រោះយោបល់ប្រចាំឆ្នាំ សហការសម្របសម្រួលដោយអាយប៉ា និង PCAsia ដើម្បីលើកកម្ពស់ការចែករំលែកទិន្នន័យ និងចំណេះដឹងប្រកបដោយតម្លាភាព ក្នុងការត្រៀមលក្ខណៈ និងការឆ្លើយតបគ្រាអាសន្នសុខាភិបាល
    ១២.ការកសាងផែនការយុទ្ធសាស្រ្តអាយប៉ា ២០២៣-២០២៥ ផ្តល់មូលនិធិដោយមូលនិធិកាណាដា សម្រាប់គំនិតផ្តួចផ្តើមក្នុងស្រុក (CFLI) អាស៊ាន
    ១៣.ការបង្កើតបណ្ណាល័យច្បាប់ឌីជីថលអាយប៉ា
    ១៤.ការផ្តល់ពានរង្វាន់កិតិ្តយសអាយប៉ាជូនប្រធានក្រុមប្រឹក្សានីតិបញ្ញត្តិនៃព្រុយណេដារូស្សាឡាម
    ១៥.ការផ្តល់ពានរង្វាន់កិតិ្តយសអាយប៉ាជូនលោកជំទាវកិត្តិសង្គហបណ្ឌិត ឃួន សុដារី អនុប្រធានទី២រដ្ឋសភានៃព្រះរាជាណាចក្រកម្ពុជា និងជាប្រធាន WAIPA
    ១៦.ការផ្តល់ពានរង្វាន់កិតិ្តយសអាយប៉ាជូន អតីតអនុប្រធានសភាតំណាងរាស្រ្តហ្វីលីពីន
    ១៧.ការកោតសរសើរជូនចំពោះសម្តេចអគ្គមហាពញាចក្រី ហេង សំរិន ជាប្រធានអាយប៉ា
    ១៨.ការបន្តកិច្ចព្រមព្រៀងការងាររបស់អគ្គលេខាធិការអាយប៉ាក្នុងតំណែង សម្រាប់រយៈពេលបីខែ ចាប់ពីខែតុលាដល់ខែធ្នូ ឆ្នាំ២០២២
    ១៩.ការកោតសសើរចំពោះការបញ្ចប់ការងាររបស់លោកជំទាវ Nguyen Tuong Van អគ្គលេខាធិការ អាយប៉ា អាណត្តិទីប្រាំ
    ២០.ការតែងតាំងអគ្គលេខាធិការអាយប៉ាអាណត្តិទីប្រាំមួយ
    ២១.កាលបរិច្ឆេទ និងទីកន្លែងនៃមហាសន្និបាតអាយប៉ាលើកទី៤៤
    សេចក្តីព្រាងសេចក្តីសម្រេចទាំង២១នេះ នឹងយកទៅរាយការណ៍ក្នុងកិច្ចប្រជុំពេញអង្គលើកទី២ នៅថ្ងៃទី២៣ ខែវិច្ឆិកា ឆ្នាំ២០២២ ដើម្បីអនុម័ត។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ឈើយ ចាន់ណា បានអញ្ជើញដាំកូនឈើ និងចែកជូនកូនឈើដល់សាលារៀនមួយចំនួនក្នុងស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំរបស់គណៈកម្មការទី២ ព្រឹទ្ធសភា
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យស្រះទឹក និងដាំកូនឈើប្រណិត នៅស្រុកកំពង់ត្រាច ខេត្តកំពត
    thumbnail
     
    ឯកឧត្តម ស្លេះពុនយ៉ាមុីន សមាជិកព្រឹទ្ធសភា ប្រចាំភូមិភាគ២ បានចុះសួរសុខទុក្ខនិងសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំក្រុមគ្រូពេទ្យស្ម័គ្រចិត្ត នៃសមាគមបេសកកម្មមនុស្សធម៌ នៅកម្ពុជា ចុះពិនិត្យព្យាបាលជំងឺ ជូនប្រជាពលរដ្ឋ នៅស្រុកកំពង់ត្រាច ខេត្តកំពត