នារសៀលថ្ងៃទី២៨ ខែកុម្ភៈ ឆ្នាំ២០២៣ ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី២ព្រឹទ្ធសភា បានអញ្ជើញជួបពិភាក្សាការងារជាមួយ Mr GREG Moran ភ្នាក់ងារស៊ុយអ៊ែត ដើម្បីកិច្ចសហប្រតិបត្តិការ និងអភិវឌ្ឍន៍អន្តរជាតិ Sida ក្នុងគោលបំណងដើម្បីឈ្វេងយល់ពីលទ្ធផលនៃការផ្តល់សេវាគាំទ្រផ្នែកស្រាវជ្រាវ និងសារពើពន្ធ ដោយមានការអញ្ជើញចូលរួមពីសមាជិកព្រឹទ្ធសភា ថ្នាក់ដឹកនាំអគ្គលេខាធិការដ្ឋានព្រឹទ្ធសភា នៅសាលប្រជុំពិសេស៣ វិមានព្រឹទ្ធសភា។
សូមរំលឹកថា ទីភ្នាក់ងារស៊ុយអែត ដើម្បីកិច្ចសហប្រតិបត្តិការនិងអភិវឌ្ឍន៍អន្តរជាតិ(Sida) កំពុងដំណើរការវាយតម្លៃពីលទ្ធផលកម្មវិធីភាពជាដៃគូ ដើម្បីតម្លាភាព និងគណនេយ្យភាព។ នាពេលកន្លងមកសភាកម្ពុជាបានចូលរួមអនុវត្តកម្មវិធីនេះតាមរយៈវិទ្យាស្ថានសភាកម្ពុជា និងមជ្ឈមណ្ឌលសភាអាស៊ី ដែលរួមមានបេសកកម្មសិក្សាទៅប្រទេសមួយចំនួនដូចជា ស៊ុយអែត ហ្វាំងឡង់ កាណាដា វៀតណាម និង ហ្វីលីពីន ដោយអភិវឌ្ឍលេីសមត្ថភាពមន្ត្រីឲ្យមានជំនាញវិភាគថវិកា និងសារពើពន្ធ និងការស្រាវជ្រាវទាក់ទងនឹងថវិកាជាតិជាដើម…៕
ប្រភព៖នាយកដ្ឋានព័ត៌មាន
