តបតាមការអញ្ជើញរបស់លោកជំទាវ Sahiba Gafarova ប្រធានរដ្ឋសភា (Milli Majlis)នៃសាធារណៈ Azerbaijan និងជាប្រធានបណ្តាញសភា នៃប្រទេសចលនាមិនចូលបក្សសម្ព័ន្ធ (Non-Aligned Movement Parliamentary Network) គណៈប្រតិភូសភាកម្ពុជាដឹកនាំដោយ ឯកឧត្តម យ៉ង់ សែម ប្រធានគណៈកម្មការទី១ព្រឹទ្ធសភា បានអញ្ជើញចូលរួមសន្និសីទលើកទី២ នៃបណ្តាញសភា ប្រទេសចលនាមិនចូលបក្សសម្ព័ន្ធ (NAM)កាលពីថ្ងៃទី១៣ ខែមីនា ឆ្នាំ២០២៣ នៅទីក្រុងម៉ាណាម៉ា ព្រះរាជាណាចក្របារ៉ែន។ សន្និសីទ NAM លើកទី២ ដឹកនាំលោកជំទាវប្រធាន NAM ដោយមានការចូលរួមពីប្រធានសហភាពអន្តរសភា (IPU) អគ្គ្គលេខាធិការ IPU និងគណៈប្រតិភូសភានានាជាសមាជិកNAM និងអង្គសភាអន្តរជាតិចំនួន។ សន្និសីទបានអនុម័តឯកសារសំខាន់ៗមួយចំនួនរួមមានទាំងសេចក្តីប្រកាសទីក្រុងម៉ាណាម៉ា (Manama Declaration)។ សន្និសីទ NAM លើកទី១ បានប្រព្រឹត្តទៅនៅឆ្នាំ២០២២ ក្នុងទីក្រុងបាគូ សាធារណរដ្ឋ Azerbaijan។
