នៅព្រឹកថ្ងៃទី៣០ ខែឧសភា ឆ្នាំ២០២៣ វេលាម៉ោង០៩:០០នាទីព្រឹិក ឯកឧត្តម ឈិត គឹមយាត អនុប្រធានគណៈកម្មការទី៥ ព្រឹទ្ធសភា និងជាប្រធានប្រតិភូសភាកម្ពុជា អញ្ជើញចូលរួមកិច្ចប្រជុំប្រចាំឆ្នាំលើកទី៦ នៃក្រុមប្រឹក្សាពិគ្រោះយោបល់អាយប៉ា ស្តីពីគ្រឿងញៀន (The 6th AIPA Advisory Council on Dangerous Drug/The 6th AIPACODD) នៅទីក្រុងBogor នៅសាធារណរដ្ឋឥណ្ឌូនេស៊ី។
ក្នុងឱកាសនៃកិច្ចប្រជុំនេះ ឯកឧត្តម ឈិត គឹមយាត ប្រធានប្រតិភូសភាកម្ពុជា បានថ្លែងរបាយការណ៍របស់ប្រទេសកម្ពុជា (Country Report) ក្រោមប្រធានបទ «ការគាំទ្រកំណើនសេដ្ឋកិច្ចប្រកបដោយបរិយាបន្ន ដើម្បីអាស៊ានគ្មានគ្រឿងញៀន»។
