ថ្ងៃទី ០៧ ខែកក្កដា ឆ្នាំ ២០២៣ នៅសណ្ឋាគារ Sheraton Grand Tbilisi Metechi Palace នៃប្រទេស Géorgie ឯកឧត្តមសេដ្ឋាបណ្ឌិត ជា ជេដ្ឋ ប្រធានគណៈកម្មការទី២ នៃព្រឹទ្ធសភា ជាអនុប្រធានគណៈកម្មាធិការកណ្តាលនៃក្រុមសភាជាតិកម្ពុជា-APF និងជាប្រធានគណៈប្រតិភូ បានអញ្ជើញចូលរួមបើកមហាសន្និបាតលើកទី ៤៨ នៃសភាប្រើភាសាបារាំង(APF) ក្រោមអធិបតីភាព ឯកឧត្តម Francis Drouin ប្រធានសភាប្រើភាសាបារាំង (APF) ។ នៅក្នុងឱកាសនោះ ឯកឧត្តមប្រធានគណៈប្រតិភូ បានលើកសំណួរចំពោះលោកជំទាវ Louise Mushikiwabo អគ្គលេខាធិការនៃអង្គការអន្តរជាតិប្រើភាសាបារាំង (OIF)តាមរយៈប្រព័ន្ធនិម្មិត (Visio-conférence) ស្តីពី ភាពតានតឹងរវាងសហគមស៊ែប (Serbie) នៅក្នុងប្រទេសកូសូវ៉ូ (Kosovo) បន្ទាប់ពីប្រទេសនេះបានទទួលឯករាជ្យប្រមាណជាង១០ ឆ្នាំកន្លងមកហើយ បន្ទាប់ពីសង្រ្គាម ។ នៅក្នុងន័យនេះ តើអង្គការអន្តរជាតិប្រើភាសាបារាំង(OIF) ប្រើប្រាស់អំណាចរបស់ខ្លួនរបៀបណា ដើម្បីដោះស្រាយភាពតានតឹង? ។
