នាព្រឹកថ្ងៃទី២៣ ខែតុលា ឆ្នាំ២០២៣ គណៈប្រតិភូសភាកម្ពុជាដឹកនាំដោយ ឯកឧត្តម យ៉ង់ សែម បានអញ្ជើញចូលរួមកិច្ចប្រជុំអាស៊ានបូកបី និងកិច្ចប្រជុំក្រុមភូមិសាស្ត្រនយោបាយអាស៊ី-ប៉ាស៊ីហ្វិក នៅទីក្រុង Luanda ប្រទេស Angola។
របៀបវារៈសំខាន់នៃកិច្ចប្រជុំទាំងពីរគឺ ការពិភាក្សា ការពង្រឹងកិច្ចសហប្រតិបត្តិការតំបន់ និងការគាំទ្រគ្នាទៅវិញទៅមកសម្រាប់កន្លែងទំនេរចំនួន២កន្លែងនៅក្នុងគណៈកម្មាធិការប្រតិបត្តិ។ គណៈប្រតិភូសភាកម្ពុជាបានគាំទ្របេក្ខភាពមកពីសភាឥណ្ឌូនេស៊ីជាសមាជិកគណៈកម្មាធិការប្រតិបត្តិ នៃសហភាពអន្តរសភាសម្រាប់អាណត្តិបួនឆ្នាំ។ ដោយឡែក ក្រុមភូមិសាស្ត្រនយោបាយអាស៊ី-ប៉ាស៊ីហ្វិក (APG) បានគ្រាំទ្របេក្ខភាពចំនួន០២រូប សម្រាប់គណៈម្មាធិការប្រតិបត្តិ គឺ ឯកឧត្តម Milton Dick ប្រធានរដ្ឋសភាអូស្ត្រាលី និងឯកឧត្តម Fadli Zon មកពីសភាសធារណរដ្ឋឥណ្ឌូនេស៊ី។ អង្គប្រជុំក៏បានស្តាប់បទបង្ហាញរបស់បេក្ខភាពចំនួនបីរូប រួមមាន Tanzania, Malawi និងSenegal  ក្នុងចំណោមបេក្ខភាពចំនួនបួនរូប ដែលឈរឈ្មោះជាប្រធានសហភាពអន្តរសភា (IPU) សម្រាប់អាណត្តិ ២០២៣-២០២៦។ នាឱកាសនោះដែរ អង្គប្រជុំបានគាំទ្រអុីរ៉ង់ និងសភាកាណាដា ចូលក្នុងគណៈកម្មការរៀបចំសេចក្តីព្រាងដើម្បីពិភាក្សាលើ Emergency item។

ប្រភព៖ នាយកដ្ឋានទំនាក់ទំនងអន្តរជាតិជាតិ
សម្រួលខ្លឹមសារ៖ នាយកដ្ឋានព័ត៌មាន