khmer eng
  • សមាជិក ក្រុមប្រឹក្សាភិបាល នៃគណៈប្រតិភូសភាកម្ពុជា អញ្ជើញបោះឆ្នោតជ្រើសតាំងប្រធាន IPU ថ្មី
     
    ចែករំលែក ៖

    នាថ្ងៃទី២៧ ខែតុលា ឆ្នាំ២០២៣ សមាជិកក្រុមប្រឹក្សាភិបាលចំនួនបីរូប នៃគណៈប្រតិភូសភាកម្ពុជា ដឹកនាំដោយ ឯកឧត្តម យ៉ង់ សែម សមាជិកគណៈកម្មាធិការអចិន្ត្រៃយ៍ ប្រធានគណៈកម្មការទី១ព្រឹទ្ធសភា និងជាប្រធានក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយសហភាពអន្តរសភា (IPU) បានអញ្ជើញបោះឆ្នោតជ្រើសតាំងប្រធាន IPU ថ្មី នៅក្នុងកិច្ចប្រជុំក្រុមប្រឹក្សាភិបាលលើកទី២១២ នៃមហាសន្និបាតសហភាពអន្តរសភាលើកទី១៤៧ (IPU147) ក្នុងទីក្រុង Luanda ប្រទេស Angola។ ក្រោយការបោះឆ្នោត លោកជំទាវ Tulia Ackson ប្រធានសភាប្រទេស Tanzania បានជាប់ឆ្នោតជាប្រធាន IPU ថ្មី សម្រាប់អាណត្តិ២០២៣-២០២៦។ ក្រុមប្រឹក្សាភិបាល ក៏បានបោះឆ្នោតជ្រើសតាំងសមាជិកគណៈកម្មាធិការប្រតិបត្តិ IPU ចំនួន០៧រូប ដែលជាតំណាងមកពីតំបន់ភូមិសាស្ត្រនយោបាយនីមួយៗ និងបានបោះឆ្នោតជូនបេក្ខភាពមកពីប្រទេសស្វីស ជាសមាជិកគណៈកម្មាធិការសិទ្ធិមនុស្សសមាជិកសភា។ ក្រុមប្រឹក្សាភិបាលទី២១២ បានអនុម័តសេចក្តីព្រាងសេចក្តីសម្រេចរបស់គណៈកម្មាធិការសិទ្ធិមនុស្សសមាជិកសភា (Decisions of the Committee on the Human Rights of Parliamentarians) ពាក់ព័ន្ធនឹងស្ថានភាពសិទ្ធិមនុស្សរបស់សមាជិកសភានៅក្នុងពិភពលោក ដែលបានដាក់បញ្ចូលប្រទេសចំនួន១៥ មកពីតំបន់អាស៊ី តំបន់មជ្ឈឹមបូព៌ា និងតំបន់អាហ្វ្រិក ក្នុងនោះមិនមានប្រទេសកម្ពុជាទេ។
    ជាលទ្ធផល មហាសន្និបាតបានអនុម័តឯកសារសំខាន់មួយគឺ សេចក្តីថ្លែងការណ៍ទីក្រុង Luanda (Luanda Declaration) ស្តីពី “សកម្មភាពរបស់សភាដើម្បីសន្តិភាព យុត្តិធម៌ និងស្ថាប័នរឹងមាំ”។

    នៅរសៀលថ្ងៃដដែល គណៈប្រតិភូបានអញ្ជើញចូលរួមពិធីបិទផ្លូវការនៃមហាសន្និបាត IPU លើកទី១៤៧ ក្រោមអធិបតីភាពលោកជំទាវ Carolina Cerqueira ប្រធានរដ្ឋសភា Angola និងឯកឧត្តម Duarte Pacheco ប្រធាន IPU។

    ប្រភព៖ នាយកដ្ឋានទំនាក់ទំនងអន្តរជាតិ
    សម្រួលខ្លឹមសារ៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    អគ្គលេខាធិការដ្ឋានព្រឹទ្ធសភា បានប្រជុំពិនិត្យវាយតម្លៃស្ថានភាពមន្រ្តីបាត់បង់សម្បទាវិជ្ជាជីវៈ និងបេក្ខជនស្នើសុំគ្រឿងឥស្សរិយយស
    thumbnail
     
    អគ្គលេខាធិការដ្ឋានព្រឹទ្ធសភា បានរៀបចំពិធីបិទវគ្គបណ្តុះបណ្តាលស្តីពី «នីតិវិធីនៃការរៀបចំឯកសារតាមលក្ខណៈបច្ចេកទេស» ក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា
    thumbnail
     
    ឯកឧត្តម អ៊ុំ សារឹទ្ធ បានទទួលជួបពិភាក្សាការងារជាមួយទីប្រឹក្សា សម្តេចមហាបវរធិបតី នាយករដ្ឋមន្ត្រី ដើម្បីពិនិត្យ និងពិភាក្សាលើផែនការរៀបចំពិធីបើកសម័យប្រជុំដំបូងព្រឹទ្ធសភា នីតិកាលទី៥
    thumbnail
     
    លោកជំទាវកិត្តិនីតិកោសលបណ្ឌិត ទី បូរ៉ាស៊ី អញ្ជើញប្រគល់អំពូលភ្លើងសូឡាដល់សាលាបឋមសិក្សាវាលនិន្ទ្រា
    thumbnail
     
    សម្តេចវិបុលសេនាភក្តី សាយ ឈុំ និងលោកជំទាវ អញ្ជើញគោរពវិញ្ញាណក្ខន្ធសពឯកឧត្តម ឡុង ពៅប្រាជ្ញា