នាព្រឹកថ្ងៃអាទិត្យ ទី៧ ខែកក្កដា ឆ្នាំ២០២៤ វេលាម៉ោង ៩:០០នាទី ទៅម៉ោង៩:៣០នាទី នៅសណ្ឋាគារ Fairmont Le Reine Élizabeth ទីក្រុង Montréal ប្រទេស កាណាដា ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា បានអញ្ជើញចូលរួមកិច្ចប្រជុំ គណៈកម្មាធិការកិច្ចចំពោះមុខ (Comité de vigilance) ជាផ្នែកមួយនៅក្នុងគណៈកម្មការនយោបាយនៃសភាប្រើភាសាបារាំង ក្រោមអធិបតីភាព ឯកឧត្តម Christophe-André FRASSA ប្រធានគណៈកម្មការនយោបាយ ជាអគ្គប្រតិភូស្តីទី នៃសភាប្រើភាសាបារាំង និងជាសមាជិកព្រឹទ្ធសភាបារាំង។ សមាសភាពនៃគណៈកម្មាធិការកិច្ចចំពោះមុខ មាន បេណាំង កាមឺរុន កម្ពុជា កាណាដា បារាំង លុចហ្សំបួរ ស្វីស កាមេរូន។
