នារសៀលថ្ងៃទី២៣ ខែកុម្ភៈ ឆ្នាំ២០២៥ លោកជំទាវ ម៉ាណ ណាវី សមាជិកាក្រុមសមាជិកព្រឹទ្ធសភាប្រចាំភូមិភាគទី១ និងលោក Rafet Kurtocag តំណាងអង្គការHASENAE អញ្ជើញជាអធិបតីក្នុងពិធីសំណេះសំណាល និងចែកអំណោយខែរ៉ាម៉ាឌន ជូនបងប្អូនប្រជាពលរដ្ឋ ក្នុងទូទាំងស្រុកសន្ទុក ចំនួន២០០គ្រួសារ របស់អង្គការ Hasene ប្រទេសអាលល្លឺម៉ង់ តាមរយៈអង្គការមូមូលនិធិអភិវឌ្ឍន៍មុស្លិមកម្ពុជា(CMDF) ព្រមទាំងមានការចូលរួមពីលោកអភិបាលរងស្រុក សមាជិកក្រុមប្រឹក្សាស្រុក តំណាងអង្គការ Hasene មកពីប្រទេសអាលល្លឺម៉ង់ និងអាជ្ញាធរមូលដ្ឋានច្រើនរូបផងដែរ ស្ថិតនៅផ្សារ លោក ម៉ាត់ មេល ភ្នំក្រហម ឃុំបឹងល្វា ស្រុកសន្ទុក ខេត្តកំពង់ធំ។
ក្នុងពិធីសំណេះសំណាលលោកជំទាវ ម៉ាណ ណាវី បានលើកឡើងថា ដោយសារប្រទេសកម្ពុជា មានសុខសន្តិភាព សុខដុមនីយកម្មជាតិសាសន៍ និងសាសនា ទើបយើងអាចទទួលបានអំណោយពីអង្គការ Hasene មកពីប្រទេសអាលល្លឺម៉ង់ ចែកជូនបងប្អូនប្រជាពលរដ្ឋយើង ក្នុងខែដ៏ពិសិដ្ឋនេះ ក៏បានសូមថ្លែងអំណរគុណដល់លោកKemal Ergun ប្រធានអង្គការ IGMG និងលោកBekir Altas ប្រធានអង្គការ Hasene ដែលបានផ្ដល់ជំនួយមកជួយដល់ប្រជាជនកម្ពុជា និងបានឧបត្ថម្ភថវិកាដល់ប្រជាការពារចំនួន២០០ ដុល្លារផងដែរ។
