គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តម អ៊ុច បូររិទ្ធ ទទួលជួបប្រធានព្រឹទ្ធសភាម៉ារ៉ុក សម្តែងការគួរសម និងពិភាក្សាការងារ នៅទីក្រុងតាស្កិន ប្រទេសអ៊ូសបេគីស្ថាន

ចែករំលែក ៖

នារសៀលថ្ងៃអាទិត្យ ទី៦ ខែមេសា ឆ្នាំ២០២៥ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា បានអញ្ជើញទទួលជួបឯកឧត្តម មហាមេដ អ៊ូល អឺរ៉ាឈីត (Mohamed Ould Errachid) ប្រធានព្រឹទ្ធសភា នៃព្រះរាជាណាម៉ារ៉ុក សម្ដែងការគួរសមនិងពិភាក្សាការងារ នៅស្របពេលដែលគណៈប្រតិភូសភាកម្ពុជាអញ្ជើញ ចូលរួមមហាសន្និបាតសហភាពអន្តរសភា(IPU) លើកទី១៥០ នៅទីក្រុងតាស្កិន ប្រទេសអ៊ូសបេគីស្ថាន។កិច្ចពិភាក្សាបានផ្តោតលើតួនាទីរបស់សភា ជាពិសេសការលើកកម្ពស់ការទូតសភាក្នុងការជំរុញទំនាក់ទំនងទ្វេភាគីនៃប្រទេសទាំងពីរ និងដើម្បីចូលរួមដោះស្រាយបញ្ហាប្រឈមនានាក្នុងតំបន់ និងសកលលោក ដែលមានផលប្រយោជន៍រួម។
ឯកឧត្តមអនុប្រធានទី១ ព្រឹទ្ធសភា បានជម្រាបជូនអំពីអាទិភាពចម្បងទាំង២ នៃព្រឹទ្ធសភា នីតិកាលទី៥ ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន។ ឯកឧត្តមអនុប្រធានទី១ ព្រឹទ្ធសភា បានរំឭកអំពីជំនួបរវាងឯកឧត្តម ជាមួយឯកឧត្តម ហាសសាន បេណូម៉ារ (Hassan BENOMAR) តំណាងរាស្រ្ត និងជាប្រធានក្រុមសភាជាតិម៉ារ៉ុកសម្រាប់សភានិយាយភាសាបារាំង (APF) ក្នុងឱកាសសម័យប្រជុំប្រចាំឆ្នាំលើកទី៤៩ នៃ APF នៅទីក្រុងម៉ុងរ៉េអាល កាលពីខែកក្កដា ឆ្នាំ២០២៤ដែលភាគីទាំងពីរបានព្រមព្រៀងគ្នាបង្កើតក្រុមមិត្តភាពនៃព្រឹទ្ធសភាទាំងពីរ និងឱ្យមានការចុះហត្ថលេខាលើអនុស្សារណៈយោគយល់គ្នា ស្តីពីការរៀបចំឱ្យមានកិច្ចពិគ្រោះនយោបាយជាទៀងទាត់ក្នុងក្របខ័ណ្ឌក្រុមមិត្តភាពព្រឹទ្ធសភាទាំងពីរ។
ឯកឧត្តម មហាមេដ អ៊ូល អឺរ៉ាឈីត បានកោតសរសើរចំពោះភាពរីកចម្រើនរបស់កម្ពុជាលើគ្រប់វិស័យ និងត្រៀមខ្លួនបន្តពង្រឹងពង្រីកទំនាក់ទំនងទ្វេភាគី ជាពិសេសរវាងស្ថាប័ននីតិប្បញ្ញត្តិនៃប្រទេសទាំងពីរដោយ រំពឹងថា ក្រុមមិត្តព្រឹទ្ធសភាកម្ពុជា-ម៉ារ៉ុកនឹងត្រូវបានបង្កើតឡើងក្នុងពេលឆាប់ៗ។ ឯកឧត្តមប្រធានព្រឹទ្ធសភាម៉ារ៉ុកបានជម្រាបជូនថា ព្រះរាជាណាចក្រម៉ារ៉ុកនឹងទទួលធ្វើជាម្ចាស់ផ្ទះរៀបចំវេទិកាលើកទី៣ នៃកិច្ចសន្ទនាសភាត្បូង-ត្បូង ក្រោមប្រធានបទស្តីពី “កិច្ចសន្ទនាអន្តរតំបន់និងអន្តរទ្វីបនៃបណ្តាប្រទេសភាគខាងត្បូង ក្នុងក្របខ័ណ្ឌកិច្ចសហប្រតិបត្តិការអន្តរជាតិ ដើម្បីដោះស្រាយបញ្ហាប្រឈមថ្មីៗ និងដើម្បីសម្រេចឱ្យបាននូវសន្តិភាព សន្តិសុខ ស្ថិរភាព និងការអភិវឌ្ឍរួម” ដោយឯកឧត្តមសង្ឃឹមថា នឹងមានគណៈប្រតិភូព្រឹទ្ធសភា នៃព្រះរាជាណាចក្រកម្ពុជា ចូលរួម៕

ប្រភព៖ ខុទ្ទកាល័យឯកឧត្តមអនុប្រធានទី១ព្រឹទ្ធសភា

សូមចូលទៅកាន់បណ្តាញសង្គមរបស់ព្រឹទ្ធសភា មានដូចខាងក្រោម៖
🌐Facebook (https://www.facebook.com/SenateofCambodia?mibextid=ZbWKwL)
🌐TikTok (https://www.tiktok.com/@senate_cambodia?_t=8lq9dELePTD&_r=1)
🌐X (Former Twitter) (https://x.com/Senatecambodia?t=3pndXoliItxQCGmfTdd1Ng&s=09)
🌐Instagram (https://www.instagram.com/senate_cambodia?igsh=ZGY3ZjVja2Nra3F0)
🌐YouTube (https://youtube.com/@SenateCambodia?si=jsIqkmeaiRi2b1rX)
🌐Telegram (https://t.me/+AnNvFbc15MA4NDRl)

អត្ថបទពាក់ព័ន្ធ

ឯកឧត្តម អ៊ុច បូររិទ្ធ

អត្ថបទថ្មី

សារលិខិតជូនពររបស់ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា ជូនឯកឧត្តម ឡាយ សំកុល អគ្គលេខាធិការនៃអគ្គលេខាធិការដ្ឋានព្រឹទ្ធសភា ក្នុងឱកាសសិរីមង្គលនៃខួបចម្រើនជន្មាយុរបស់ឯកឧត្តម នៅថ្ងៃទី១២ ខែវិច្ឆិកា ឆ្នាំ២០២៥នេះ

លិខិតជូនពររបស់លោកជំទាវ មាន សំអាន ប្រធានក្រុមសមាជិកាព្រឹទ្ធសភា ជូនឯកឧត្តម ឡាយ សំកុល អគ្គលេខាធិការ នៃអគ្គលេខាធិការដ្ឋានព្រឹទ្ធសភា ក្នុងឱកាសដ៏សិរីមង្គល នៃពិធីខួបចម្រើនជន្មាយុរបស់ឯកឧត្តមអគ្គលេខាធិការ នៅ ថ្ងៃពុធ ទី១២ ខែវិច្ឆិកា ឆ្នាំ២០២៥នេះ

សារលិខិតជូនពររបស់ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ព្រឹទ្ធសភា គោរពជូនឯកឧត្តម ឡាយ សំកុល អគ្គលេខាធិការ នៃអគ្គលេខាធិការដ្ឋានព្រឹទ្ធសភា ក្នុងឱកាសដ៏មង្គលាភិរម្យប្រពៃថ្លៃថ្លានៃថ្ងៃចម្រើនអាយុវឌ្ឍមង្គលរបស់ឯកឧត្តមអគ្គលេខាធិការ ដែលនឹងចូលមកដល់នៅថ្ងៃពុធ ទី១២ ខែវិច្ឆិកា ឆ្នាំ២០២៥នេះ

ឯកឧត្តម ឈួន ឆាម ដឹកនាំក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យវឌ្ឍនភាព នៃការថែទាំ និងប្រើប្រាស់ស្រះទឹក២កន្លែង នៅស្រុកគិរីវង់ និងស្រុកព្រៃកប្បាស ខេត្តតាកែវ

សារលិខិតជូនពររបស់ឯកឧត្តមបណ្ឌិត ឈីវ យីស៊ាង នាយកខុទ្ទកាល័យសម្តេចតេជោ ប្រធានព្រឹទ្ធសភា គោរពជូនឯកឧត្តម ឡាយ សំកុល អគ្គលេខាធិការ នៃអគ្គលេខាធិការដ្ឋានព្រឹទ្ធសភា នៅក្នុងឱកាសសិរីមង្គល នៃខួបចម្រើនជន្មាយុរបស់ឯកឧត្តមអគ្គលេខាធិការ នាថ្ងៃពុធ ទី១២ ខែវិច្ឆិកា ឆ្នាំ២០២៥នេះ