គេហទំព័រ ព្រឹទ្ធសភា នៃព្រះរាជាណាចក្រកម្ពុជា

ឯកឧត្តម អ៊ុច បូររិទ្ធ អញ្ជើញជួបពិភាក្សាការងារជាមួយឯកឧត្តម អ៊ូមីឌ ស្សាឌៀវ (Umid Shadiev) ប្រធានគណៈកម្មាធិការទេសចរណ៍ នៃសាធារណរដ្ឋអ៊ូសបេគីស្ថាន

ចែករំលែក ៖

នៅរសៀលថ្ងៃអង្គារ ទី៨ ខែមេសា ឆ្នាំ២០២៥ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា និងជាប្រធានគណៈប្រតិភូសភាកម្ពុជា បានអញ្ជើញជួបពិភាក្សាការងារជាមួយឯកឧត្តម អ៊ូមីឌ ស្សាឌៀវ (Umid Shadiev) ប្រធានគណៈកម្មាធិការទេសចរណ៍ នៃសាធារណរដ្ឋអ៊ូសបេគីស្ថាន ស្របពេលដែលគណៈប្រតិភូសភាកម្ពុជា អញ្ជើញចូលរួមមហាសន្និបាតលើកទី១៥០ នៃសហភាពអន្តរសភា (IPU) នៅទីក្រុងតាស្កិន ប្រទេសអ៊ូសបេគីស្ថាន។

ឯកឧត្តមអនុប្រធានទី១ បានរំឭកអំពីប្រវត្តិទំនាក់ទំនងរវាងប្រទេសទាំងពីរ, កម្ពុជា-អ៊ូសបេគីស្ថាន, និង បានបញ្ជាក់ពីបំណងប្រាថ្នាក្នុងការពង្រឹងពង្រីកទំនាក់ទំនងរវាងប្រទេសទាំងពីរឱ្យកាន់តែជិតស្និទ្ធ ជាពិសេស ការតភ្ជាប់រវាងប្រទេសទាំងពីរ តាមរយៈការពង្រឹងកិច្ចសហប្រតិបត្តិការវិស័យទេសចរណ៍ និងការផ្លាស់ប្ដូររវាងប្រជាជននិងប្រជាជន។ ឯកឧត្តមបានធ្វើបទបង្ហាញអំពីទិសដៅផែនការអភិវឌ្ឍទេសចរណ៍ និងគោលដៅទេសចរណ៍ដ៏សម្បូរណ៍បែប នៃព្រះរាជាណាចក្រកម្ពុជា។

ឯកឧត្តម អ៊ូមីឌ ស្សាឌៀវ បានគូសបញ្ជាក់ថា បើទោះជាវិស័យសេដ្ឋកិច្ចពុំមែនជាប្រភពចំណូលសំខាន់សម្រាប់អ៊ូសបេគីស្ថាន តែប្រទេសនេះកំពុងខិតខំរៀបចំប្រទេសនិងយុទ្ធសាស្ត្រដើម្បីទាក់ទាញការវិនិយោគ និងភ្ញៀវទេសចរ ដើម្បីជួយដល់សេដ្ឋកិច្ច និងផ្សព្វផ្សាយអំពីប្រទេសនិងវប្បធម៌របស់ខ្លួន។

ភាគីទាំងពីបានឯកភាពជំរុញសក្តានុពលវិស័យទេសចរណ៍នៃប្រទេសទាំងពីរ តាមរយៈ (១) ការរៀបចំអនុស្សារណៈយោគយល់គ្នាស្ដីពីកិច្ចសហប្រតិបត្តិការវិស័យទេសចរណ៍, (២) ការជំរុញឱ្យមានជើងហោះហើរត្រង់ (ដែលបច្ចុប្បន្ន មានជើងហោះហើរត្រង់ពីទីក្រុងតាស្គិន ទៅទីក្រុងបាងកក និងទៅគូឡាឡាំពួរ), (៣) ការតភ្ជាប់ភ្នាក់ងារនិងប្រតិបត្តិករទេសចរណ៍, (៤) ការជំរុញលើកទឹកចិត្តវិស័យឯកជន ក្នុងការវិនិយោគលើវិស័យទេសចរណ៍, និង (៥) ការស្វែងរកលទ្ធភាពនៃការរៀបចំវេទិកាទេសចរណ៍រួមគ្នា ទាំងតាមរយៈដោយផ្ទាល់ និងតាមអនឡាញ ដើម្បីសម្របសម្រួលការផ្សព្វផ្សាយអំពីសក្តានុពលនៃប្រទេសទាំងពីរ៕

ប្រភព៖ ខុទ្ទកាល័យឯកឧត្តមអនុប្រធានទី១ ព្រឹទ្ធសភា

អត្ថបទពាក់ព័ន្ធ

ឯកឧត្តម អ៊ុច បូររិទ្ធ

អត្ថបទថ្មី

ឯកឧត្តម លី សារី អញ្ជើញជួបសំណេះសំណាលជាមួយថ្នាក់ដឹកនាំខ្មែរអ៉ិស្លាម និងចូលរួមគោរពវិញ្ញាណក្ខន្ធសពប្រជាពលរដ្ឋនៅក្រុងកំពត ខេត្តកំពត

សារលិខិតជូនពររបស់ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា គោរពជូនឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា ក្នុងឱកាសសិរីមង្គល នៃថ្ងៃខួបចម្រើនជន្មាយុរបស់ឯកឧត្តមប្រធាន ដែលឈានចូលមកដល់នៅថ្ងៃអង្គារ ទី១៨ ខែវិច្ឆិកា ឆ្នាំ២០២៥ ខាងមុខនេះ

សារលិខិតជូនពររបស់ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា គោរពជូនសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសសិរីមង្គល នៃថ្ងៃខួបចម្រើនជន្មាយុរបស់ សម្តេចមហារដ្ឋសភាធិការធិបតី ដែលឈានចូលមកដល់នៅថ្ងៃអង្គារ ទី១៨ ខែវិច្ឆិកា ឆ្នាំ២០២៥ ខាងមុខនេះ

សារលិខិតជូនពររបស់ឯកឧត្តម ឈិត សុខុន ប្រធានគណៈកម្មការទី៧ព្រឹទ្ធសភា គោរពជូនឯកឧត្តម សួស យ៉ារ៉ា ប្រធានគណៈកម្មការ កិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា ក្នុងឱកាសនៃពិធីចម្រើនជន្មាយុរបស់ឯកឧត្តមប្រធាន ដែលនឹងឈានចូលមកដល់នៅថ្ងៃអង្គារ ទី១៨ ខែវិច្ឆិកា ឆ្នាំ២០២៥ ខាងមុខនេះ

សារលិខិតជូនពររបស់ឯកឧត្តម ឈិត សុខុន ប្រធានគណៈកម្មការទី៧ព្រឹទ្ធសភា គោរពជូនសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសដ៏នក្ខត្តឫក្សប្រសើរថ្លៃថ្លា ប្រកបដោយមង្គលាភិរម្យនៃពិធីចម្រើនជន្មាយុរបស់ សម្តេចមហារដ្ឋសភាធិការធិបតី ដែលនឹងឈានចូលមកដល់នៅថ្ងៃអង្គារ ទី១៨ ខែវិច្ឆិកា ឆ្នាំ២០២៥ ខាងមុខនេះ