នារសៀលថ្ងៃចន្ទ ២កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹងថ្ងៃទី២៨ ខែមេសា ឆ្នាំ២០២៥ ឯកឧត្តម ឡាយ សំកុល អគ្គលេខាធិការព្រឹទ្ធសភា បានទទួលជួប លោក Kensuke NAGASE អនុប្រធានបេសកកម្មនិងសហការី នៃស្ថានឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដើម្បីពិភាក្សាការងារ និងផ្លាស់ប្តូរយោបល់លើទំនាក់ទំនងទ្វេភាគីនៃប្រទេស និងស្ថាប័នទាំងពីរ និងអំពីការបន្តជម្រុញនូវកិច្ចសហប្រតិបត្តិការរវាងសភានិងសភា ឲ្យកាន់តែល្អប្រសើរ និងទទួលបានលទ្ធផលផ្លែផ្កា សម្រាប់ជាប្រយោជន៍រួមនៃប្រទេសទាំងពីរ នៅបន្ទប់ប្រជុំឯកឧត្តមអគ្គលេខាធិការ។
ខ្លឹមសារ៖ ខុទ្ទកាល័យឯកឧត្តមអគ្គលេខាធិការព្រឹទ្ធសភា
រូបភាព៖ នាយកដ្ឋានព័ត៌មាន
