ថ្ងៃសៅរ៍ ទី៧ ខែមិថុនា ឆ្នាំ២០២៥ វេលាម៉ោង ៨៖០០នាទីព្រឹក ក្រុមសភាជាតិកម្ពុជា APF ដឹកនាំដោយ ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ ព្រឹទ្ធសភា និងជាអនុប្រធានគណៈកម្មាធិការប្រតិបត្តិក្រុមសភាជាតិកម្ពុជា APF អមដំណើរដោយ ឯកឧត្តម ដុំ យុហៀន សមាជិកគណៈកម្មការទី៥ រដ្ឋសភា និងជាសមាជិកបណ្ដាញសមាជិកសភាប្រយុទ្ធប្រឆាំងនឹងជំងឺរាតត្បាតសកលនៃក្រុមសភាជាតិកម្ពុជា APF បានអញ្ជើញចូលរួមពិធីបើកមហាសន្និបាត លើកទី១១ នៃតំបន់អាស៊ី-ប៉ាស៊ីហ្វិក ក្រោមអធិបតីភាពឯកឧត្តម Vaimu’a MULIAVA ប្រតិភូតំបន់ និងជាសមាជិកសភានូវ៉ែលកាឡេដូនី អមដោយលោក EdgarDOERIG តំណាងអង្គការអន្តរជាតិហ្វ្រង់កូហ្វូនីប្រចាំតំបន់អាស៊ី-ប៉ាហ្វិក និងលោក Jean-Baptiste LEGUEN ទីប្រឹក្សាសភាប្រើភាសាបារំាង ទទួលបន្ទុកតំបន់អាស៊ី-ប៉ាស៊ីហ្វិក នៅសាលប្រជុំពេញអង្គនៃសភានូវ៉េែលកាឡូដូនី ( Congrès de la Nouvelle-Caledonie)។
សមាសភាពចូលរួមមាន៖ ក្រុមសភាជាតិវៀតណាម ក្រុមសភាជាតិប៉ូលីណេស៊ីបារំាង ក្រុមសភាជាតិវ៉ានូអាទូ ក្រុមសភាជាតិវ៉ាលី-ហ្វូទូណា និងសមាជិក សមាជិកា សភានូវ៉ែលកាឡេដូនី។
បន្ទាប់ពីពិធីបើក ឯកឧត្តមបណ្ឌិត ចែម វិឌ្យ៉ា បានអញ្ជើញធ្វើជាអ្នកសម្របសម្រួលលើប្រធានបទស្ដីពី កិច្ចសហប្រតិបត្តិការហ្វ្រង់កូហ្វូនចំពោះឱកាសការងារបម្រើនៅក្នុងវិស័យសុខាភិបាល នៅបណ្ដាប្រទេសតំបន់អាស៊ី-ប៉ាស៊ីហ្វិក។
