នាថ្ងៃទី២០ ខែមិថុនា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអញ្ជើញចូលរួមក្នុងកម្មវិធីជួបជុំអតីតនិស្សិតមកពីសាកលវិទ្យាល័យ Nagoya ប្រទេសជប៉ុន នៅ Fairfield by Marriott Phnom Penh។ នៅក្នុងពិធីនោះ ឯកឧត្តមបានមានប្រសាសន៍ថា ច្រើនទសវត្សរ៍កន្លងមកនេះ ប្រទេសកម្ពុជាទទួលបានផលផ្លែពីសន្តិភាព ស្ថិរភាព និងវិបុលភាពសេដ្ឋកិច្ច ដោយសារគោលនយោបាយការបរទេសរបស់ជាតិយើង ដែលផ្ដោតអាទិភាពលើកិច្ចសហប្រតិបត្តិការ និងមិត្តភាពជាមួយគ្រប់ប្រជាជាតិ ដូចជាជប៉ុន និងប្រទេសជិតខាង។

ក្នុងឱកាសនោះដែរ ឯកឧត្តមបានសម្តែងការខកចិត្តចំពោះប្រទេសថៃ ដែលរុញបញ្ហានយោបាយផ្ទៃក្នុងរបស់ខ្លួន មកព្រំដែនកម្ពុជា និងព្យាយាមគេចវេះមិនប្រើផែនទីច្បាប់ និងតុលាការអន្តរជាតិ។ ឯកឧត្តមបានអំពាវនាវឱ្យខ្មែរគ្រប់រូប ធ្វើការជាមួយមិត្តបរទេស ដោយពន្យល់អំពីករណីចាំបាច់ដែលកម្ពុជា ត្រូវប្រើតុលាការយុត្តិធម៌អន្តរជាតិ។

ប្រភព៖ ខុទ្ទកាល័យឯកឧត្តមអនុប្រធានទី២ ព្រឹទ្ធសភា