នៅថ្ងៃចន្ទ ទី៧ ខែកក្កដា ឆ្នាំ២០២៥ ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាអនុប្រធានបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា និងឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ព្រឹទ្ធសភា បានអញ្ជើញចូលរួមពិធីបើកមហាសន្និបាតប្រចាំឆ្នាំនៃបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា នៅរដ្ឋសភាបារាំង ដែលបានប្រព្រឹត្តទៅក្រោមអធិបតីភាព លោកជំទាវ Yaël Braun-PIVET ប្រធានរដ្ឋសភាបារាំង និងបានអញ្ជើញបន្តកិច្ចពិភាក្សារបៀបវារៈ ក្រោមអធិបតីភាព លោក Rémi SCHENBERG Déontologue នៅអមរដ្ឋសភាបារាំង មានដូចជា៖ ការសើរើលក្ខខណ្ឌចូលជាសមាជិកនៃបណ្តាញពេញសិទ្ធិ និងជាសមាជិកសង្កេតការណ៍ និងផែនការប្រចាំឆ្នាំ២០២៥-២០២៦ ការបោះឆ្នោតជ្រើស រើសឡើងវិញសម្រាប់សមាជិក សមាជិកា នៃគណៈកម្មាធិការអចិន្រ្តៃយ៍នៃបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា ដែលមានអាណត្តិពីរឆ្នាំ។ នៅក្នុងឱកាសនោះ ឯកឧត្តម អ៊ុំ សារឹទ្ធ បានធ្វើបទអន្តរាគមន៍ស្តីពី សកម្មភាពការងារសភាកម្ពុជា ពាក់ព័ន្ធនឹងក្រមសីលធម៌សមាជិកសភា។
ប្រភព៖ នាយកដ្ឋានកិច្ចការហ្វ្រង់កូហ្វូន
