នារសៀលថ្ងៃទី២៣ ខែកញ្ញា ឆ្នាំ២០២៥ ព្រះអង្គម្ចាស់ ស៊ីសុវត្ថិ ធម្មិកោ សមាជិកគណៈកម្មការទី៣ព្រឹទ្ធសភា បានយាងចូលរួមសន្និសីទអាស៊ី-ប៉ាស៊ីហ្វិក ស្តីពីបរិស្ថាន និងការអភិវឌ្ឍលើកទី២១ (21st APPCED) ក្រោមមូលបទ “រួមគ្នា
ដើម្បីភាពធន់អាកាសធាតុ”។
គោលបំណង នៃសន្និសីទ គឺដើម្បីជំរុញភាពជាអ្នកដឹកនាំក្នុងតំបន់ ការពិភាក្សាលើបញ្ហាបរិស្ថាន និងការអភិវឌ្ឍន៍ និងដើម្បីចែករំលែកយុទ្ធសាស្ត្រ និងគោលនយោបាយគោលគន្លឹះសំដៅដើម្បីលើកកម្ពស់ និងពន្លឿនដំណោះស្រាយបញ្ហាក្នុងតំបន់។
នាឱកាសនោះផងដែរ ព្រះអង្គម្ចាស់ ក៏បានយាងឡើងធ្វើបទបង្ហាញលើរបាយការណ៍ស្តីពីការប្រែប្រួលអាកាសធាតុ និងកំណើនបៃតងនៅកម្ពុជា និងបានរៀបរាប់អំពីបទពិសោធន៍ និងការចូលរួមរបស់កម្ពុជា លើបញ្ហាបម្រែបម្រួលអាកាសធាតុ និងកំណើនបៃតង។
ប្រភព៖ នាយកដ្ឋានទំនាក់ទំនងអន្តរជាតិ
