នាថ្ងៃពុធទី១៩ ខែវិច្ឆិកា ឆ្នាំ២០២៥ នៅសាលប្រជុំព្រះវិហារ នៃវិមានរដ្ឋសភា សមាជិក សមាជិកា នៃគណៈកម្មការកិច្ចការសេដ្ឋកិច្ច សង្គម និងបរិស្ថាន នៃក្រុមសភាជាតិកម្ពុជានៃសភាប្រើភាសាបារាំង ដែលក្នុងនោះមាន ឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា លោកជំទាវ អ៊ុន សុគន្ធា លេខាធិការគណៈកម្មការទី៤រដ្ឋសភា និង ឯកឧត្តម ឈឹម ម៉ា សមាជិកគណៈកម្មការទី២រដ្ឋសភា បានអញ្ជើញចូលរួមកិច្ចប្រជុំគណៈកម្មការកិច្ចការសេដ្ឋកិច្ច សង្គម និងបរិស្ថាននៃសភាប្រើភាសាបារាំង តាមប្រព័ន្ធនិម្មិត(Envisioconférence) វេលាម៉ោង២១:០០នាទី ដល់ម៉ោង ២៣:០០នាទី ម៉ោងនៅទីក្រុងភ្នំពេញ លើប្រធានបទស្តីពី សហគ្រិនភាពរបស់ស្រ្តីហ្រ្វង់កូហ្វូន ក្រោមអធិបតីភាព លោកស្រី ម៉ាម ឌីអារ៉ា បេយេ (Mame Diara Beye) ប្រធានគណៈកម្មការកិច្ចការសេដ្ឋកិច្ច សង្គម និងបរិស្ថាន នៃ(APF) និងជាសមាជិកាតំណាងរាស្រ្តនៃសេណេហ្គាល់។ នៅក្នុងឱកាសនោះ ឯកឧត្តម ម៉ាន់ ឈឿន បានធ្វើបទអន្តរាគមន៍ស្តីពីសហគ្រិនភាពរបស់ស្រ្តីនៅកម្ពុជា។

ប្រភព​៖ នាយកដ្ឋាន​កិច្ច​ការ​ហ្វ្រង់កូហ្វូន