ឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា អមដំណេីរដោយលោក អ៊ុន សែនឫទ្ធិ ជំនួយការឯកឧត្តមអនុប្រធានទី១ព្រឹទ្ធសភា បានអញ្ជើញចូលរួមកិច្ចប្រជុំគណៈកម្មាធិការអចិន្ត្រៃយ៍នៃសភាតំបន់អាស៊ី (APA) ស្តីពីកិច្ចការនយោបាយ ដែលប្រព្រឹត្តទៅចាប់ពីថ្ងៃទី៤ ដល់ថ្ងៃទី៥ ខែធ្នូ ឆ្នាំ២០២៥ នៅទីក្រុងម៉ាសាដ ប្រទេសអ៉ីរ៉ង់ ដោយមានការចូលរួមពីប្រទេសជាសមាជិកចំនួន ១៦ប្រទេស ក្នុងនោះបណ្តាប្រទេសអាស៊ានមានតែកម្ពុជាទេ ដែលចូលរួម។ កិច្ចប្រជុំនេះដឹកនាំដោយម្ចាស់ផ្ទះ អ៉ីរ៉ង់ ជាប្រធាន និង តាជីគីស្ថាន ជាអនុប្រធាន ក្នុងនោះផងដែរ កម្ពុជា ដែលមានឯកឧត្តម ងី ច័ន្ទ្រផល ជាប្រធានគណ:ប្រតិភូ ត្រូវបានជ្រេីសតាំងជាអ្នករាយការណ៍(Rapporteur) ក្នុងកិច្ចប្រជុំនោះផងដែរ ។
ក្នុងអំឡុងពេលនៃកិច្ចប្រជុំ ឯកឧត្តមក៏បានចូលរួមថ្លែងបទអន្តរាគមន៍ ក្នុងកិច្ចពិភាក្សាទូទៅទាក់ទងទៅនឹងសេចក្តីព្រាងសេចក្តីសម្រេចទាំង៩ ផងដែរ។

ប្រភព៖ នាយកដ្ឋានទំនាក់ទំនងអន្តរជាតិ