នាព្រឹកថ្ងៃសុក្រ ទី១១ ខែមិថុនា ឆ្នាំ២០២១ ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ អមដំណើរដោយ លោក ទូច រស្មី ប្រធានមន្ទីរធម្មការ និងសាសនាខេត្ត លោក នង ទណ្ណារី ប្រធានក្រុមប្រឹក្សាស្រុកអូររាំង និង លោកស្រី ស៊ន់ សុខគង់ អភិបាលរង នៃគណៈអភិបាលស្រុកអូររាំង បានអញ្ជើញជួបសំណេះសំណាល សួរសុខទុក្ខ និងពិភាក្សាការងារជាមួយនឹងក្រុមប្រឹក្សាឃុំដាក់ដាំ ព្រមទាំងបាននាំយកនូវអំណោយមួយចំនួន ប្រគល់ជូនរដ្ឋបាលឃុំ ស្ថិតនៅសាលាឃុំដាក់ដាំ ស្រុកអូររាំង ខេត្តមណ្ឌលគិរី ។
ថ្លែងក្នុងឱកាសនោះ ឯកឧត្តម បានមានប្រសាសន៍ផ្តាំផ្ញើដល់អាជ្ញាធរមូលដ្ឋាន បន្តចូលរួមគ្នាអនុវត្តន៍ជាប្រចាំនូវវិធានការ ៣ការពារ និង៣កុំ របស់សម្តេចអគ្គមហាសេនាបតីតេជោនាយករដ្ឋមន្ត្រី និងក្រសួងសុខាភិបាល។
