khmer eng
  • ក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចុះជួបសំណេះសំណាសាកសួរ សុខទុក្ខបងប្អូនប្រជាពលរដ្ឋពិការ ចាស់ជរាគ្មានទីពឹង មានជីវភាពខ្វះខាត ចំនួន ១០គ្រួសារ
     
    ចែករំលែក ៖

    នាព្រឹកថ្ងៃច័ន្ទ ទី២១ ខែមិថុនា ឆ្នាំ២០២១ ឯកឧត្តម អន ស៊ុំ លេខាធិការគណៈកម្មការទី៤ ព្រឹទ្ធសភា ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ រួមដំណើរមានឯកឧត្តម មួង យក់សាន សមាជិកក្រុមប្រឹក្សាខេត្ត លោក អុឹង ឡាយឆាយ សមាគមន៍ព្រះវិហារចិនតាតឺហ្វ័រយាន លោកស្រីចៅសង្កាត់អូរអំបិល មេភូមិ និងក្រុមយុវជនស្រុក បានអញ្ជើញចុះជួបសំណេះសំណាសាកសួរ
    សុខទុក្ខបងប្អូនប្រជាពលរដ្ឋពិការ ចាស់ជរាគ្មានទីពឹង មានជីវភាពខ្វះខាត ចំនួន ១០គ្រួសារ នៅសង្កាត់អូរអំបិល និងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ គ្រឿងឧបភោក បរិភោគសម្រាប់ឧបត្ថម្ភជូនបងប្អូននាពេលនោះ មួយគ្រួសារទទួលបាន អង្ក ២០គីឡូក្រាម, មី ១កេះ, ទឹកសុទ្ធ ៥យួរ, ទឹកវីតាល់ ១កេះ, ម៉ាស់ ១ប្រអប់ និងថវិកា ២០មុឺនរៀល។ ថ្លែងក្នុងឱកាសនោះ ឯកឧត្តម បានកោតសរសើរ និងថ្លែងអំណរគុណដល់មេភូមិ ក្រុមប្រឹក្សាសង្កាត់ដែលបានខិតខំបំពេញការងាររបស់ខ្លួនយ៉ាងសកម្មក្នុងការចូលរួមបង្ការ និងទប់ស្កាត់ការរីករាលដាលជម្ងឺកូវីដ-១៩ និងត្រូវបន្តរួមគ្នាគោរពឱ្យបានម៉ឺងម៉ាត់តាមការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាល ពិសេសត្រូវអនុវត្តជាប្រចាំនូវវិធានការ ៣ការពារ និង៣កុំ របស់សម្តេចអគ្គមហាសេនាបតីតេជោ នាយករដ្ឋមន្ត្រី ត្រូវធ្វើការប្តូរឥរិយាបថក្នុងបរិបទថ្មីដោយធ្វើការរស់នៅតាមបែបគន្លងថ្មី។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំគណៈប្រតិភូព្រឹទ្ធសភា ទស្សនារោងចក្រកែច្នៃចំណីអាហារ និងរោងចក្រផលិតចំណីសត្វរបស់ក្រុមហ៊ុនស៊ី.ភី. ខេមបូឌា ចំកាត់
    thumbnail
     
    សមាជិកព្រឹទ្ធសភា បានអញ្ជើញចូលរួមពិធីសម្ពោធ អគារសិក្សា និងសមិទ្ធផលនានា នៅវិទ្យាល័យ ហ៊ុន សែន ប្រម៉ោយ ស្ថិតនៅស្រុកវាលវែង ខេត្តពោធិ៍សាត់
    thumbnail
     
    ឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមជាគណៈអធិបតីក្នុងពិធីបើកការរដ្ឋានសាងសង់អាគារមណ្ឌលសុខភាពពីរកន្លែង
    thumbnail
     
    ឯកឧត្ដម​ លី​ សារី​ អញ្ជើញចូលរួមរំលែកមរណទុក្ខ​ និងគោរពវិញ្ញាណក្ខន្ធសពប្រជាពលរដ្ឋ​ នៅក្រុងកែប​ ខេត្តកែប
    thumbnail
     
    លោកជំទាវ ម៉ាណ ណាវី និងឯកឧត្តម សាន់ ឡាទីន អញ្ជើញចូលរួមពិធីបើកសូធ្យគម្ពីរគូរអានុលការីមទូទាំងប្រទេសលើកទី៣២ និងសូធ្យចាំមាត់លើកទី៦ ឆ្នាំ២០២៥