ឯកឧត្តម ឡាយ សំកុល អគ្គលេខាធិការព្រឹទ្ធសភា បានអញ្ជើញដឹកនាំកិច្ចប្រជុំផ្ទៃក្នុងអគ្គលេខាធិការដ្ឋានព្រឹទ្ធសភា ដោយមានការអញ្ជើញចូលរួមពីឯកឧត្តមអគ្គលេខាធិការរង ឯកឧត្តមអគ្គនាយក លោក លោកស្រី ជាប្រធាន អនុប្រធាននាយកដ្ឋាន និងមន្ត្រីពាក់ព័ន្ធ ស្តីពីការបែងចែកតួនាទី និងភារកិច្ចសម្រាប់ព្រះរាជពិធីសម្ពោធអគារថ្មី «វិមានសាមគ្គីភាព» នៃព្រឹទ្ធសភា និងការងារសំខាន់ៗពាក់ព័ន្ធនឹងការរៀបចំ សន្និសីទប្រធានសភានៃអន្តរសភា (Inter-Parliamentary Speakers’ Conference- ISC-2) លើកទី២ នៅរាជធានីភ្នំពេញ នាពេលខាងមុខ ។
កិច្ចប្រជុំនេះប្រព្រឹត្តទៅនៅបន្ទប់ប្រជុំរបស់ឯកឧត្តមអគ្គលេខាធិការព្រឹទ្ធសភា វិមានសាមគ្គីភាព នារសៀលថ្ងៃ
ព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦…។
ខ្លឹមសារ៖ ខុទ្ទកាល័យឯកឧត្តមអគ្គលេខាធិការព្រឹទ្ធសភា
រូបភាព៖ នាយកដ្ឋានព័ត៌មាន
