khmer eng
  • ឯកឧត្តម ម៉ុម ជឹមហ៊ុយ បានអញ្ជើញចុះជួបសំណេះសំណាល និងសួរសុខទុក្ខក្រុមប្រឹក្សាសង្កាត់កន្ទោក ដើម្បីស្វែងយល់អំពីស្ថានភាពទូទៅជំងឺកូវីដ-១៩ ក្នុងមូលដ្ឋាន ការងារ​ចាក់​វ៉ាក់សាំង​ដល់​ក្មេង​អាយុ​ចាប់​ពី១២ ដល់១៧ឆ្នាំ
     
    ចែករំលែក ៖

    ព្រឹកថ្ងៃពុធ ៣កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១១ ខែសីហា ឆ្នាំ២០២១ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចុះជួបសំណេះសំណាល និងសួរសុខទុក្ខក្រុមប្រឹក្សាសង្កាត់កន្ទោក ដើម្បីស្វែងយល់អំពីស្ថានភាពទូទៅជំងឺកូវីដ-១៩ ក្នុងមូលដ្ឋាន ការងារចាក់វ៉ាក់សាំងដល់ក្មេងអាយុចាប់ពី១២ ដល់១៧ឆ្នាំ និងចែកប័ណ្ណជូនបងប្អូនប្រជាពលរដ្ឋដែលបានចាក់ដូសទីពីររួចរាល់ហើយ នៅសាលាសង្កាត់កន្ទោក ខណ្ឌកំបូល រាជធានីភ្នំពេញ។ បន្ទាប់ពីស្តាប់សេចក្កីរាយការណ៍របស់លោកប្រធានក្រុមប្រឹក្សារួចមក ឯកឧត្តមប្រធាន បានសម្តែងនូវការកោតសរសើរដល់ការខិតខំប្រឹងប្រែងរបស់មូលដ្ឋាន ជាពិសេសក្នុងយុទ្ធនាការចាក់វ៉ាក់សាំងក្មេងអាយុ១២ ដល់១៧ឆ្នាំ សម្រេចបានជាង២,០០០នាក់ ក្នុងរយៈពេលជាង១០ថ្ងៃកន្លងមកនេះ។ បន្ថែមលើនោះត្រូវខិតខំប្រមូលកម្លាំងរួម មធ្យោបាយរួម ដើម្បីប្រយុទ្ធប្រឆាំងនឹងការរាតត្បាតជំងឺកូវីដ-១៩ ប្រភេទថ្មីឱ្យបានត្រឹមត្រូវ ផ្លាស់ប្តូរឥរិយាបថក្នុងបរិបទថ្មី ធ្វើការរស់នៅតាមបែបគន្លងថ្មី ព្រមទាំងអនុវត្តន៍តាមការណែនាំរបស់រាជរដ្ឋាភិបាល និងក្រសួងមានសមត្ថកិច្ច។ ដើម្បីជាការលើកទឹកចិត្ត ឯកឧត្តមប្រធាន ក៏បានឧបត្ថម្ភនូវថវិកាមួយចំនួនផងដែរ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អញ្ជើញបិទវគ្គបណ្តុះបណ្តាស្តីពីបច្ចេកទេសក្នុងការសរសេរឯកសារសម្រាប់គាំទ្រកិច្ចប្រជុំ ASEP11
    thumbnail
     
    សមាជិកព្រឹទ្ធសភា ក្រុមទី៣ បានបើកកិច្ចប្រជុំផ្ទៃក្នុងក្រុមតាមប្រព័ន្ធនិម្មិត(Zoom) ក្រោមអធិបតីភាពឯកឧត្តម អាយ ខន ប្រធានស្តីទីក្រុម ដើម្បីពិនិត្យពិភាក្សាលើសេចក្តីព្រាងច្បាប់ចំនួន៧
    thumbnail
     
    សមាជិកព្រឹទ្ធសភា ក្រុមទី៥ បានបើកកិច្ចប្រជុំផ្ទៃក្នុងក្រុមតាមប្រព័ន្ធនិម្មិត ក្រោមអធិបតីភាពឯកឧត្តម គង់ សារាជ ប្រធានក្រុម ដើម្បីពិនិត្យពិភាក្សាលើសេចក្តីព្រាងច្បាប់ចំនួន ៣
    thumbnail
     
    ឯកឧត្ដម ខៀវ មុត ប្រធានក្រុមសមាជិកព្រឹទ្ធសភាប្រចាំភូមិភាគទី៥ និងជាអនុប្រធានគណៈកម្មការទី១ព្រឹទ្ធសភា បានអញ្ជើញជួបសំណេះសំណាលជាមួយក្រុមប្រឹក្សាឃុំ ស្មៀន នាយប៉ុស្តិ៍នគរបាលរដ្ឋបាលឃុំ និងប្រធានភូមិទាំង២៣ភូមិ នៅសាលាឃុំតាភេម ស្រុកត្រាំកក់ ខេត្តតាកែវ
    thumbnail
     
    ឯកឧត្តមកិត្តិសង្គហបណ្ឌិត ទេព ងន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីពិនិត្យសម្រេចលើរបៀបវារៈសំខាន់ៗចំនួន ០៨